Асуджаную на 11 гадоў зняволення прадстаўніцу штаба Бабарыкі Марыю Калеснікаву этапавалі ў гомельскую жаночую калонію.
Пісаць Марыі лісты салідарнасці можна на адрас:
ПК №4. 246035, г. Гомель, вул. Антошкіна, 3. Калеснікавай Марыі Аляксандраўне.
Наступныя два тыдні яна будзе на каранціне, таму варта рабіць пазнаку на канверце «Каранцін».
Марыя Калеснікава была затрыманая 7 верасня 2020 года. 6 верасня 2021 года ёй прысудзілі 11 гадоў пазбаўлення волі. Разам з ёй юрыст Максім Знак быў асуджаны на 10 гадоў.
Іх прызналі вінаватымі па трох артыкулах Крымінальнага кодэкса:
— «Змова з мэтай захопу ўлады»;
— «Стварэнне экстрэмісцкага фармавання»;
— «Публічныя заклікі да дзеянняў, якія пагражаюць нацыянальнай бяспецы».
Максіма Знака этапавалі ў калонію №3 «Віцьба».
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары