На 10 участках Кастрычніцкага раёна Мінска атрымаліся аднолькавыя вынікі
Блогер Дзмітрый Івановіч (iva dim) прааналізаваў вынікі галасавання на выбарах-2020 у Кастрычніцкім раёне Мінска. «Рысавалі пад капірку», — перакананы ён.
Ілюстрацыйны здымак. Фота Надзеі Бужан.
У Кастрычніцкім раёне Мінска было створана 56 участкаў. У адкрытым доступе існуюць вынікі галасавання толькі часткі з іх — у вялікай колькасці выпадкаў старшыні камісій проста не вывешвалі пратаколы.
Тым не менш высветлілася, што на 10 участках у Кастрычніцкім раёне камісіі налічылі роўна 6,1% сапсаваных бюлетэняў.
Гэта анамальна вялікая лічба, звычайна псуюць каля 1% бюлетэняў. А тут яна не проста анамальна вялікая, але яшчэ і аднолькавая.
Амаль паўсюль сышліся і лічбы галасавання «супраць усіх» і падтрымка Святланы Ціханоўскай.
Тая ж карціна была з працэнтам датэрміновага галасавання.
Нарэшце, вынік Лукашэнкі на ўсіх 11 участках — 66,6%.
| Участак | Старшыня камісіі | Прадпрыемства | Лукашэнка | Ціханоўская | Супраць усіх | Сапсавана | Датэрміновае галасаванне |
| 8 | Ніна Плотчанка | Мінскі дзяржаўны каледж мастацтваў | 66,6% | 14,7% | 7,4% | 6,1% | 52,2% |
| 20 | Аляксандр Карнееў | школа №97 | 66,6% | 14,7% | 7,3% | 6,1% | 52,2% |
| 27 | Соф'я Бычкова | Мінскі мясакамбінат | 66,6% | 14,6% | 7,3% | 6,1% | 52,1% |
| 30 | Сяргей Касьянаў | Белчыгунка | 66,6% | 14,6% | 7,4% | 6,1% | 52,1% |
| 37 | Алена Пазняк | школа №90 | 66,6% | 14,7% | 7,3% | 6,1% | 52,1% |
| 38 | Алег Казючыц | Белаэранавігацыя | 66,6% | 14,7% | 7,3% | 6,1% | 50,6% |
| 40 | Георгій Козел | Мінскі дзяржаўны каледж электронікі | 66,6% | 7,0% | 15,0% | 6,1% | 52,1% |
| 44 | Дзмітрый Сакольнікаў | Белчыгунка | 66,6% | 14,7% | 7,4% | 6,1% | 52,0% |
| 46 | Дзмітрый Пазняк | 66,6% | 14,7% | 7,3% | 6,1% | 52,1% | |
| 55 | Уладзіслаў Шчэпаў | Акадэмія кіравання | 66,6% | 18,0% | 5,0% | 6,1% | 52,2% |
З сайтаў дзяржаўных органаў выдаленая інфармацыя пра склад камісій. Тым не менш часткова яна засталася ў інтэрнэце, як і звесткі, з работнікаў якога прадпрыемства набіралася камісія.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары