Урад назваў адміністрацыйныя працэдуры, якія будуць выконвацца ў электронным выглядзе
Савет Міністраў Беларусі вызначыў пералікі адміністрацыйных працэдур, якія падлягаюць ажыццяўленню ў электроннай форме праз адзіны партал электронных паслуг у дачыненні да грамадзян, а таксама ў дачыненні да юрыдычных асоб і ІП. Адпаведнае рашэнне замацаванае пастановай Савета Міністраў ад 14 ліпеня 2017 года №529, паведамляе сайт урада.
Так, у дачыненні да грамадзян у электроннай форме могуць быць ажыццёўлены 149 адміністрацыйных працэдур. У іх ліку
- рэгістрацыя замежнага грамадзяніна або асобы без грамадзянства, якія часова знаходзяцца ў Беларусі;
- выдача пропуску на права пазачарговага ўезду на тэрыторыю аўтадарожных пунктаў пропуску праз дзяржмяжу Беларусі;
- залік, вяртанне сум падаткаў, збораў (пошлін), пеняў;
- дзяржаўная рэгістрацыя змены зямельнага ўчастка на падставе змены яго мэтавага прызначэння;
- выдача даведкі аб правах на аб'екты нерухомай маёмасці або даведкі аб правах на аб'екты нерухомай маёмасці (абагульненая інфармацыя) і інш.
У дачыненні да юрыдычных асоб і індывідуальных прадпрымальнікаў прадугледжана ажыццяўленне ў электроннай форме 197 адміністрацыйных працэдур, у тым ліку
- выдача даведкі, якая пацвярджае, што ІП не з'яўляецца плацельшчыкам адзінага падатку;
- залік, вяртанне залішне выплачанай (спагнанай) сумы падаткаў, збораў (пошлін), пеняў;
- уключэнне ў рэестр лізінгавых арганізацый і выдача пасведчання аб уключэнні ў рэестр лізінгавых арганізацый;
- узгадненне з выдачай заключэння горадабудаўнічых праектаў агульнага і дэталёвага планавання;
- узгадненне з выдачай заключэння праектнай дакументацыі на капітальны рамонт і рэканструкцыю, пры якіх ажыццяўляецца пашырэнне або павелічэнне магутнасці, а таксама змяненне мэтавага прызначэння аб'ектаў сацыяльнай, вытворчай, транспартнай, інжынернай інфраструктуры і інш.
Дакументам таксама вызначаныя тэрміны правядзення арганізацыйна-тэхнічных мерапрыемстваў па стварэнні ўмоў для ажыццяўлення названых адміністрацыйных працэдур праз адзіны партал электронных паслуг, спосабы доступу да партала, дзяржаўныя органы, іншыя арганізацыі, да кампетэнцыі якіх адносіцца ажыццяўленне адміністрацыйных працэдур.
Пастанова прынятая ў мэтах выканання закона Беларусі ад 9 студзеня 2017 года «Аб унясенні дапаўненняў і змяненняў у Закон Рэспублікі Беларусь «Аб асновах адміністрацыйных працэдур» і ўступіла ў сілу з 15 ліпеня 2017 года.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2
Каментары