Urad nazvaŭ administracyjnyja pracedury, jakija buduć vykonvacca ŭ elektronnym vyhladzie
Saviet Ministraŭ Biełarusi vyznačyŭ pieraliki administracyjnych pracedur, jakija padlahajuć ažyćciaŭleńniu ŭ elektronnaj formie praz adziny partał elektronnych pasłuh u dačynieńni da hramadzian, a taksama ŭ dačynieńni da jurydyčnych asob i IP. Adpaviednaje rašeńnie zamacavanaje pastanovaj Savieta Ministraŭ ad 14 lipienia 2017 hoda №529, paviedamlaje sajt urada.
Tak, u dačynieńni da hramadzian u elektronnaj formie mohuć być ažyćcioŭleny 149 administracyjnych pracedur. U ich liku
- rehistracyja zamiežnaha hramadzianina abo asoby biez hramadzianstva, jakija časova znachodziacca ŭ Biełarusi;
- vydača propusku na prava pazačarhovaha ŭjezdu na terytoryju aŭtadarožnych punktaŭ propusku praź dziaržmiažu Biełarusi;
- zalik, viartańnie sum padatkaŭ, zboraŭ (pošlin), pieniaŭ;
- dziaržaŭnaja rehistracyja źmieny ziamielnaha ŭčastka na padstavie źmieny jaho metavaha pryznačeńnia;
- vydača daviedki ab pravach na abjekty nieruchomaj majomaści abo daviedki ab pravach na abjekty nieruchomaj majomaści (abahulnienaja infarmacyja) i inš.
U dačynieńni da jurydyčnych asob i indyvidualnych pradprymalnikaŭ praduhledžana ažyćciaŭleńnie ŭ elektronnaj formie 197 administracyjnych pracedur, u tym liku
- vydača daviedki, jakaja paćviardžaje, što IP nie źjaŭlajecca płacielščykam adzinaha padatku;
- zalik, viartańnie zališnie vypłačanaj (spahnanaj) sumy padatkaŭ, zboraŭ (pošlin), pieniaŭ;
- uklučeńnie ŭ rejestr lizinhavych arhanizacyj i vydača paśviedčańnia ab uklučeńni ŭ rejestr lizinhavych arhanizacyj;
- uzhadnieńnie z vydačaj zaklučeńnia horadabudaŭničych prajektaŭ ahulnaha i detalovaha płanavańnia;
- uzhadnieńnie z vydačaj zaklučeńnia prajektnaj dakumientacyi na kapitalny ramont i rekanstrukcyju, pry jakich ažyćciaŭlajecca pašyreńnie abo pavieličeńnie mahutnaści, a taksama źmianieńnie metavaha pryznačeńnia abjektaŭ sacyjalnaj, vytvorčaj, transpartnaj, inžyniernaj infrastruktury i inš.
Dakumientam taksama vyznačanyja terminy praviadzieńnia arhanizacyjna-techničnych mierapryjemstvaŭ pa stvareńni ŭmoŭ dla ažyćciaŭleńnia nazvanych administracyjnych pracedur praz adziny partał elektronnych pasłuh, sposaby dostupu da partała, dziaržaŭnyja orhany, inšyja arhanizacyi, da kampietencyi jakich adnosicca ažyćciaŭleńnie administracyjnych pracedur.
Pastanova pryniataja ŭ metach vykanańnia zakona Biełarusi ad 9 studzienia 2017 hoda «Ab uniasieńni dapaŭnieńniaŭ i źmianieńniaŭ u Zakon Respubliki Biełaruś «Ab asnovach administracyjnych pracedur» i ŭstupiła ŭ siłu z 15 lipienia 2017 hoda.
Kamientary