Магілёўскі міжраённы аддзел Следчага камітэта расследуе крымінальную справу ў дачыненні да 26-гадовага жыхара вёскі Раманавічы Магілёўскага раёна, які жорстка расправіўся з двума сабакамі, што належалі аднавяскоўцы. Пра гэта паведаміла БелТА афіцыйны прадстаўнік упраўлення Следчага камітэта па Магілёўскай вобласці Аксана Салянюк.
Спачатку абвінавачаны падвесіў сабак на ланцугу да адрыны, а пасля абліў бензінам і падпаліў. Аднак, мабыць, гэта не прынесла яму задавальнення, бо пасля ён яшчэ і разбіў вокны ў доме гэтай жа аднавяскоўкі. Свае паводзіны затрыманы патлумачыў, што раней адзін сабака яго пакусаў. Такім чынам мужчына вырашыў адпомсціць.
Па словах афіцыйнага прадстаўніка УСК, усяго з пачатку года ў Магілёўскай вобласці па фактах жорсткага абыходжання з жывёламі распачата чатыры крымінальныя справы. Так, у Касцюковіцкім раёне 37-гадовы мясцовы жыхар таксама з надуманай помсты да жывёлы зрабіў пятлю, зацягнуў яе на шыі сабакі і павесіў жывёлу на дрэве. 40-гадовы жыхар Асіповічаў, раней ужо судзімы, будучы ў стане алкагольнага ап'янення, нажом перарэзаў сабаку шыю, а затым жорстка расправіўся і са шчанюком. А жыхар Мсціслаўскага раёна на вачах у дваіх малалетніх дзяцей парэзаў беспрытульнага сабаку. Па дадзеных трох крымінальных справах пастаноўленыя абвінаваўчыя прысуды.
Ва ўсіх выпадках следчыя ў дачыненні да абвінавачаных прызначалі судова-псіхалагічную экспертызу. Па выніках даследаванняў, усе фігуранты крымінальных спраў прызнаныя свядомымі.
«Псіхолагі кажуць, што жорсткае абыходжанне з жывёламі ясна паказвае сувязь агрэсіўнага стаўлення чалавека да навакольных, асабліва да тых, хто не можа сябе абараніць. Грамадству неабходна ўсведамляць, што жорсткасць у адносінах да любой жывой істоты з'яўляецца недапушчальнай і пагражае ўсім», — сказала Аксана Салянюк.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?14
Каментары