Стваральнік анлайн-гульні World of Tanks Віктар Кіслы папоўніў спіс мільярдэраў, піша Bloomberg. Заснавальнік гульні каментаваць падлікі агенцтва адмовіўся, запэўніўшы, што вядзе сціплы лад жыцця.
Маёмасць 39-гадовага Віктара Кіслага, заснавальніка гульні World of Tanks, перавысіла $1 млрд, піша Bloomberg са спасылкай на ўласны індэкс мільярдэраў (Bloomberg Billionaires Index). Агульны кошт кампаніі Wargaming, па ацэнцы агенцтва, складае каля $1,5 млрд.
Сам Кіслы падлікі складальнікаў Bloomberg Billionaires Index каментаваць адмовіўся, запэўніўшы, што ніколі не спрабаваў лічыць уласныя грошы, а лад жыцця вядзе «вельмі сціплы». У размове з карэспандэнтам Bloomberg заснавальнік кампаніі, у гульнявых праектах якой зарэгістравана больш за 100 млн чалавек, запэўніў, што Wargaming не мае намеру спыняцца на дасягнутым.
«Мы павінны стварыць канвеер па вытворчасці якасных гульняў. Наша кампанія мае намер асвойваць усё вялікія рынкі. Калі з'явіцца мільярд мікрахвалевак з джойсцікамі, на якіх можна будзе гуляць у гульні, мы створым праграмы і для іх», — адзначыў Кіслы.
Паводле ацэнак Bloomberg, агульны даход Wargaming ў 2015 годзе склаў каля $590 млн.
Чытайце таксама: Пяць фактаў пра самага паспяховага бізнэсоўца Беларусі Віктара Кіслага
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары