Sotni ludziej, jakija sabralisia pierad synhapurskim «Ruffles Hospital», i miljony nieabyjakavych va ŭsim śviecie sačyli za kožnym paviedamleńniem, što datyčyła 29-hadovych sijamskich bliźniataŭ Ładan i Łały Bidžani. Ale aperacyja raździaleńnia siostraŭ, što zraślisia hałovami, skončyłasia trahična.
Jašče ŭ paniadziełak uviečary była nadzieja na pośpiech. Choć raździaleńnie kostak čerapu praciahvałasia daŭžej, čym planavałasia (zraślisia nadta mocna), lekary davali spryjalnyja prahnozy. Im udałosia-taki pryščapić da mozhu Ładan vienu, uziatuju ź jaje ściahna (bo asobnyja mazhi siostraŭ mieli adnu supolnuju vialikuju vienu, jakaja advodziła ad ich kroŭ). Napieradzie było raździaleńnie mazhoŭ, pierasadki kostak, myšcaŭ i skury, kab zamiaścić stračanuju tkanku. U bliźniataŭ pačaŭ skakać kryviany cisk, ale na chutkuju trahiedyju ničoha nie pakazvała.
Raździaleńnie mazhoŭ nie abiacała być ciažkim: raniejšyja daśledavańni pakazali, što mazhi siostraŭ sfarmavalisia i pracujuć całkam asobna. Ale padčas aperacyi vyjaviłasia, što jany ŭ mnohich miescach usio ž zraślisia. Chirurhi milimetar za milimetram raśsiakali tkanku skalpelami i adździalali najdrabniejšyja kryvianosnyja sasudy. Całkam raździalić mazhi ŭdałosia, ale zapozna. Na 53-j hadzinie aperacyi pamierła Ładan, a jašče praz paŭtary hadziny — Łała. Aficyjnaj pryčynaj śmierci była pryznana zavialikaja strata kryvi. Mnohija ciapier vinavaciać špital, jaki ŭziaŭsia za aperacyju, choć nia mieŭ šancaŭ na pośpiech. Bliźniaty źviartalisia ŭ roznyja kliniki, ale ŭsiudy im admaŭlali: ryzyka była zavialikaja.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada7
Kamientary