U pačatku śniežnia ŭ Minsku ŭpieršyniu projdzie biełaruski Tydzień dziciačaj mody, paviedamiła kiraŭnik prajekta Belarus Fashion Week Janina Hančarova.
Pavodle jaje słoŭ, u pieršy raz dziciačy Tydzień mody budzie doŭžycca tolki paru dzion, adnak nieabchodnaść vynosić dziciačuju modu ŭ asobny prajekt u Hančarovaj nie vyklikaje sumnieńniaŭ. «U krainach SND siońnia pakazy dziciačaj mody nie pravodziacca, ale dziciačyja dyzajniery pracujuć i dziciačaja moda isnuje», — zajaŭlaje jana.
Akramia taho, jak adznačaje kiraŭnik prajekta, asnoŭnaja placoŭka Tydnia mody raście i dzieci, jakija ŭdzielničajuć u pakazach akcyi «Dziciačaja moda», stvarajuć dadatkovuju nahruzku dyzajnieram, madelam i inšym udzielnikam pracesu. «Dzieci ŭ paviljonie — heta bujanstva, biehanina i adsutnaść paradku. Na adnoj placoŭcy ciažka pracavać i dzieciam, i darosłym», — skazała Hančarova.
Pavodle jaje słoŭ, achvotnych trapić na dziciačyja pakazy ŭ ramkach asnoŭnaha prajekta Belarus fashion week, jak praviła, vielmi šmat, i dziciačyja brendy ŭ Biełarusi aktyŭna raźvivajucca.«Dyzajnier Julija Niefiertary ŭ pieršym siezonie pryjšła na Tydzień mody jak dyzajnier, i za dva hady ŭ jaje źjaviłasia svaja vytvorčaść, adkryvajecca svoj mahazin u Minsku i pracuje škoła navučańnia dyzajnieraŭ dziciačaha adzieńnia», — raskazała Hančarova.
Dla ŭdziełu ŭ pieršym siezonie dziciačaha Tydnia mody buduć zaprošany 8–10 dyzajnieraŭ ź Biełarusi, Rasii, Ukrainy i Kazachstana, uklučajučy Juliju Niefiertary i Dom mody Papilio, adznačyła kiraŭnik BFW.U jakaści inšych pierśpiektyŭnych biełaruskich dziciačych brendaŭ jana nazvała «Aranžavy viarblud», Sardina Baby, ShagoVita, a taksama adznačyła rasijski brend Gioia di Mamma, jaki vychodzić na rynak Biełarusi.
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony7
Kamientary