Rasija hatovaja adkazać na lubyja mahčymyja pahrozy vajennaj siłaj. Pucin sabraŭ Saŭbiez i zrabiŭ zajavu
Paśla anonsu Kramla, što Uładzimir Pucin zrobić važnuju zajavu, jaho puł pakazaŭ karotkuju pramovu, jakuju prezident Rasii pračytaŭ z papierki. Jana tyčyłasia Damovy ab mierach pa dalejšym skaračeńni i abmiežavańni stratehičnych nastupalnych uzbrajeńniaŭ (DSNU), jakaja kančajecca ŭ lutym nastupnaha hoda.
Uładzimir Pucin u vystupie i pahražaŭ, i pakazvaŭ hatoŭnaść damaŭlacca.
Pavodle jaho, Rasija hatovaja prytrymlivacca abmiežavańniaŭ, praduhledžanych damovaj z ZŠA ab skaračeńni stratehičnych nastupalnych uzbrajeńniaŭ, i paśla 5 lutaha nastupnaha hoda, kali zakančvajecca termin dziejańniaŭ damovy.
Pavodle jaho, hety krok pavinien stvaryć spryjalnuju atmaśfieru dla dalejšaha dyjałohu z ZŠA. Pry hetym Rasija raźličvaje, što ZŠA buduć dziejničać adpaviedna.
«Stratehičnaja stabilnaść u śviecie praciahvaje dehradavać. Heta źviazana z destruktyŭnymi dziejańniami Zachadu», — skazaŭ Pucin.
Pa jaho śćvierdžańni, mienavita ŭ vyniku «razburalnych dziejańniaŭ Zachadu» byli istotna padarvanyja asnovy dla dyjałohu pamiž dziaržavami ź jadziernaj zbrojaj.
Ale Rasija, pavodle jaho zajavy, zdolnaja adkazać na lubyja isnujučyja pahrozy, RF ŭpeŭnienaja ŭ nadziejnaści nacyjanalnych sił strymlivańnia. Ale zacikaŭlenaja ŭ dypłamatyi.
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony8
Kamientary