U Małdovie prachodziać maštabnyja vobšuki, u tym liku siarod paplečnikaŭ prarasijskaha palityka Dadona
U Małdovie prajšli sotni vobšukaŭ pa spravie ab padrychtoŭcy masavych biesparadkaŭ i destabilizacyi. Prarasijski lidar sacyjalistaŭ Ihar Dadon zajaviŭ, što ŭ častcy vypadkaŭ havorka idzie pra jahonych paplečnikaŭ.
Hienieralny inśpiektarat palicyi Małdovy 22 vieraśnia paviedamiŭ, što ranicaj pradstaŭniki šerahu słužbaŭ praviali bolš za 250 vobšukaŭ, piša «Jeŭrapiejskaja praŭda».
«U apieracyi fihurujuć bolš za 100 čałaviek z roznych nasielenych punktaŭ krainy. Vobšuki źviazany z kryminalnaj spravaj ab padrychtoŭcy masavych biesparadkaŭ i destabilizacyi, jakija kaardynavali z RF praz kryminalnyja elemienty», — zajavili ŭ palicyi.
Eks-prezident Małdovy, lidar Partyi sacyjalistaŭ Ihar Dadon, vakoł jakoha sfarmavany prarasijski «Patryjatyčny błok», zajaviŭ ab vobšukach u svaich paplečnikaŭ na poŭnačy krainy.
Dadon nazvaŭ heta «zapałochvańniem z boku złačynnaha režymu» i zajaviŭ, što prezident Maja Sandu i jaje partyja «šukajuć padstaŭ dla admieny vybaraŭ», bo «viedajuć, što ich palityčny kaniec blizki».
U sfarmavany vakoł Dadona prarasijski błok, akramia Partyi sacyjalistaŭ, uvachodziać kamunisty, partyja «Serca Małdovy» byłoj kiraŭnicy Hahauzii Iryny Vłach i «Budučynia Małdovy».
Da hetaha ŭ Małdovie prajšli vobšuki pa spravie ab padkupie vybarščykaŭ; u Kišyniovie było kanfiskavana miljon dołaraŭ pa spravie ab niezakonnym finansavańni partyj.
Raniej ahienctva Bloomberg apublikavała materyjał pra rasijski płan umiašańnia ŭ vybary ŭ Małdovie, a BBC apublikavała rasśledavańnie pra dezinfarmacyju ŭ Małdovie pierad vybarami za hrošy z RF.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary