29 vieraśnia aktyvisty hramadzianskaj inicyjatyvy «Chopić pić — treba žyć» praviali ŭ Homieli akcyju ŭ padtrymku zdarovaha ładu žyćcia — skoknuli z parašutam.
«Heta była akcyja ŭ ramkach realizacyi našaj inicyjatyvy. My prademanstravali, što zaŭsiody jość alternatyva pjancy, i biez ałkaholu možna vydatna bavić čas, adčuvać roznyja emocyi, bolšaj častkaj stanoŭčyja», —paviedamiŭ adzin z aktyvistaŭ inicyjatyvy Kanstancin Žukoŭski.
Taksama, pavodle jaho słoŭ, aktyvisty chacieli dadzienaj akcyjaj pryciahnuć uvahu da prablem parašutnaha sportu ŭ Homieli. «Na samoj spravie padletkam i moładzi časta niama kudy padacca, kab cikava i karysna pravieści čas. Parašutny sport u Homieli ciapier nie vielmi raźvivajecca, aerakłub dziejničaje, ale raźvićcia asablivaha niama, skački darahija — kala 400 tysiač rubloŭ, i nie kožny sabie heta moža dazvolić. Aerakłub vyžyŭ tolki dziakujučy entuzijastam i dapamozie niekalki hadoŭ nazad miascovaj ułady. Kali ŭziać navat saviecki čas, tady ŭsio heta było dastupna kožnamu i biaspłatna. Ułady ciapier kažuć pra zdarovy ład žyćcia, ale realna mnohija dobryja siekcyi — płatnyja, a nie kožny moža zapłacić», — adznačyŭ aktyvist.
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ3
Kamientary