9 lutaha padčas XXIV‑j Mienskaj mižnarodnaj knižnaj vystavy‑kirmašu «Knihi Biełarusi – 2007» na placoŭcy vydaviectva «Pro Chrysto» adbyłasia prezentacyja knihi Jana Paŭła II «Pamiać i samaśviadomaść».
9 lutaha padčas XXIV‑j Minskaj mižnarodnaj knižnaj vystavy‑kirmašu «Knihi Biełarusi – 2007» na placoŭcy vydaviectva «Pro Chrysto» adbyłasia prezientacyja knihi Jana Paŭła II «Pamiać i samaśviadomaść» (pierakład piśmieńnicy Krystyny Lalko).
Prezientacyju adkryŭ Apostalski Administratar Minska‑Mahiloŭskaj archidyjacezii biskup Antoni Dziamjanka. «Siońnia – prezientacyja apošniaj knihi Jana Paŭła II «Pamiać i samaśviadomaść«. Pakolki Papa Jan Pavieł II naradziŭsia niedaloka ad nas, mnohaje ŭ knizie, napisanaj Vialikim Papam, jaki ŭvioŭ Kaścioł u novaje treciaje tysiačahodździe chryścijanstva, aktualnaje i dla nas. Hetaja kniha – vialiki ŭniosak u skarbonku kultury i fiłasofii. Ja dumaju, što jana budzie zaŭvažana i znojdzie svaich udziačnych čytačoŭ». Biskup padziakavaŭ usim, chto pryčyniŭsia da vydańnia hetaj knihi, a taksama pažadaŭ plonnaj pracy dziela ŭzrastańnia duchoŭnaści našaha hramadstva.
Pierakładčyca knihi Vialikaha Papy piśmieńnica, hałoŭny redaktar katalickich časopisaŭ «Ave Maria» i «Naša viera» Krystyna Lalko, adznačyła: «Hetaja kniha – zapaviet dla nas, kniha‑testament. Jan Pavieł II daje analiz dźviuch tatalitarnych sistemaŭ, jakija spryčynilisia da trahiedyj našaj epochi – nacyzmu i kamunizmu. Jon nie prosta havoryć pra hetaje zło, pra vytoki hetaha zła, adkul jano źjaŭlajecca ŭ našym časie, u našym žyćci, ale havoryć, jak hetaje zło pieraadolvać dabrom. I voś hetaja chryścijanskaja pazicyja asabliva važnaja dla nas, jaho sučaśnikaŭ».
Adzin ź pieršych čytačoŭ knihi «Pamiać i samaśviadomaść» – narodny paet Biełarusi Nił Symonavič Hilevič, jaki padzialiŭsia z prysutnymi svaimi ŭražańniami ad pračytanaha. Jon asabliva adznačyŭ jakaść pierakładu. «Kniha pierakładziena bliskuča, – skazaŭ jon. – Vinšuju ŭsich sa śviatam hetaj knihi».
Kamientary