Parazvažaŭ nakont taho, jakoj moža apynucca Biełaruś paśla transfarmacyi siońniašniaha režymu albo jahonaha zrynańnia
Razvažać pra toje, jakoj budzie Biełaruś paśla skančeńnia siońniašniaha režymu, — tema dastatkova składanaja. Što budzie ź siabie ŭjaŭlać «Biełaruś biez Łukašenki», budzie vielmi mocna zaležać ad taho, jakim čynam, pry jakich abstavinach i kali adbudziecca adychod A. Łukašenki ad ułady (abo prynamsi kali adbudziecca demanapalizacyja jahonaj ułady), a taksama ad taho, jakija zachady biełaruskaja aŭtarytarnaja ŭłada ažyćciavić u pieryjad ź siońniašniaha dnia da taho momantu.
Tym nie mieniej, šerah rysaŭ toj karciny možna vyznačyć užo ciapier i mieć na ŭvazie, dumajučy pra budučyniu.
Najbolš blizkim uzoram taho, što ź siabie budzie ŭjaŭlać Biełaruś paśla transfarmacyi režymu, jość sučasnaja Ukraina:vonkava adnosna demakratyčnaja jeŭrapiejskaja kraina z adnosna rynkavaj ekanomikaj i
— Mienšyja pamiery i blizkaje susiedstva z Polščaj i Litvoj mohuć abumović bolš ščylnyja suviazi z hetymi krainami, bolšyja mahčymaści pierajmać zachodniejeŭrapiejski dośvied.
— Užo na siońniašni momant bačny patencyjał dla surjoznaha prahresu rynkavych reformaŭ u Biełarusi ŭ paraŭnańni z Ukrainaj. Pavodle vynikaŭ 2009 h. Biełaruś pierastała być samaj «ekanamična niesvabodnaj» krainaj u Jeŭropie ŭ rejtynhu «Heritage Foundation» i sastupiła hetaje miesca akurat Ukrainie. Klučavoje pytańnie — u refarmavańni biełaruskaj padatkovaj sistemy.
— Peŭnaja kulturnaja i hieapalityčnaja niavyznačanaść i słabaja nacyjanalnaja śviadomaść hramadstva mohuć pry peŭnych umovach stvaryć pahrozu niezaležnaści, chacia takoje raźvićcio padziejaŭ małaimaviernaje.
(...)
Kiroŭnaja elita sučasnaj Biełarusi musić uśviedamlać, što dla paŭnavartasnaj ekanamičnaj transfarmacyi (nieabchodnaść jakoj, zdajecca, hetaja elita ŭśviedamlaje), patrebna transfarmacyja palityčnaja. Transfarmacyja nieabchodnaja jak dla zachavańnia stabilnaści ŭ krainie, tak i dla narmalizacyi adnosinaŭ ź inšymi dziaržavami.
Ciapier dastatkova spryjalny dla režymu čas dla palityčnaj transfarmacyi z hledzišča ŭnutrypalityčnaj situacyi:apazicyja maje najbolš słaby i raźjadnany stan za ŭvieś čas ź pieravarotu 1996 h., niama nijakich unutrypalityčnych hulcoŭ, jakija mahli b być pahrozaj uładzie. Tym nie mieniej, paharšeńnie stasunkaŭ aficyjnaha Minsku z Rasijaj śviedčyć pra toje, što takija hulcy, zaanhažavanyja Kramlom, mohuć nieŭzabavie źjavicca. Z druhoha boku, isnuje imaviernaść, što palityčnaja demakratyzacyja supadzie ŭ časie z rezkim paharšeńniem uzroŭniu žyćcia ŭ krainie.
Ličycca, što siarod łukašenkaŭskaj namienkłatury jość frakcyja prahmatykaŭ, patencyjna hatovych da transfarmacyi krainy dziela zachavańnia ŭłady. Nazyvajucca imiony V. Łukašenki dy jahonaha atačeńnia — U. Makieja, N. Piatkievič.
Realnaja nadzieja Biełarusi ciapier na hetych ludziej i na los, jaki moh by prymusić ich da hetaha.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary