Za minułyja sutki elektrazabieśpiačeńnie parušałasia ŭ 251 nasielenym punkcie
Byli abiastočanyja 997 transfarmatarnych padstancyj, 30 fierm, 6 kacielniaŭ. Adklučeńni zafiksavanyja pieravažna ŭ Viciebskaj, Minskaj i Homielskaj abłaściach, paviedamlaje Minenierha.
Mocny śniehapad, zavirucha i škvalisty viecier, paryvy jakoha dasiahali 15—20 m/s, a nočču miescami — da 24 m/s, pryviali da padzieńnia dreŭ i halin na linii elektrapieradačy, ich abryvaŭ, miescami byli pavaleny apory ŁEP.
Najbolš ad niepahadzi paciarpieli Połacki, Maładziečanski, Słucki, Minski, Rečycki i Žłobinski rajony.
U likvidacyi nastupstvaŭ cykłonu byli zadziejničanyja 76 avaryjnych bryhad i 69 adzinak techniki. Pavodle źviestak na 7.00 9 studzienia, adnaŭlenčyja raboty praciahvajucca ŭ 44 nasielenych punktach.
U viedamstvie adznačyli, što siońnia ŭ Biełarusi zachoŭvajucca składanyja pahodnyja ŭmovy. Udzień na bolšaj častcy terytoryi krainy prahnazujecca mocny śnieh z paryvistym vietram da 15—20 m/s. Na darohach — śniežnyja zanosy.
Kamientary