Ukrainski palitołah: Drony mohuć niečakana prylacieć i ŭ minski aeraport, i na naftapierapracoŭčyja zavody
«Ukraina nie zacikaŭlenaja ŭ tym, kab davać padstavu dla vajny, ale heta nie aznačaje, što ŭ Łukašenki niama ŭraźlivych miescaŭ».
Ukrainski palitołah Jaŭhien Mahda ŭ kamientary «Biełsatu» zajaviŭ: ciapierašniaja palityka Alaksandra Łukašenki źviazanaja z tym, što jon adčuvaje indulhiencyju, jakuju nibyta atrymaŭ na fonie kantaktaŭ sa Złučanymi Štatami.
«Ja baču nastupnyja pryčyny nachabstva Łukašenki. Jon, vidavočna, usprymaje svoj dyjałoh sa Złučanymi Štatami jak dastatkovuju indulhiencyju dla taho, kab być adnačasova i partnioram ZŠA ŭ pieramovach i, adpaviedna, uzajemadziejničać z Rasiejaj, dapamahać joj abychodzić ukrainskuju abaronu i zastavacca ŭ roli suahresara», — skazaŭ Jaŭhien Mahda.
Pavodle jahonych słovaŭ, Alaksandr Łukašenka raźličvaje na toje, što Ukraina ŭstrymajecca ad dziejańniaŭ u adkaz.
«Łukašenka, ja dumaju, sprabavaŭ zaručycca harantyjami z boku Złučanych Štataŭ na temu taho, što Ukraina nie budzie adkazvać. Ale my žyviom u śviecie, dzie vandroŭnyja drony mohuć niečakana prylacieć i ŭ minski aeraport, i na naftapierapracoŭčyja zavody, i navat raptam apynucca na inšych stratehičnych pradpryjemstvach Biełarusi», — adznačyŭ palitołah.
Mahda padkreśliŭ, što ŭ biełaruskim hramadstvie adsutničaje zapyt na vajnu z Ukrainaj.
«Treba razumieć, što ŭ biełaruskim hramadstvie niama žadańnia vieści vajnu z Ukrainaj. I Łukašenka ryzykuje akazacca ź vielmi maleńkim kołam asabista addanych ludziej, jakija ŭ vypadku eskałacyi buduć hatovyja padtrymać jahonyja ahresiŭnyja namiery», — zajaviŭ jon.
Pavodle jaho, pieravažnaja bolšaść biełarusaŭ nie choča, kab vajna zakranuła terytoryju krainy.
«Ja ŭpeŭnieny, što šarahovy biełarus nie choča ni vajny z Ukrainaj, ni naohuł ubačyć, jak prylatajuć drony abo rakiety pa terytoryi Biełarusi», — skazaŭ Mahda.
Dziejańni biełaruskich uładaŭ, pavodle jahonaj acenki, nie mohuć zastavacca biez nastupstvaŭ.
«Ja ŭpeŭnieny, što ŭkrainski adkaz budzie, i jon budzie asimietryčnym», — adznačyŭ palitołah.
Jon dadaŭ, što, niahledziačy na napružanaść na miažy, Ukraina nie zacikaŭlenaja ŭ naŭprostavaj eskałacyi.
«Choć ciapier biełaruska-ŭkrainskaja miaža nahadvaje liniju frontu, bajavych dziejańniaŭ tam niama. Ukraina nie zacikaŭlenaja ŭ tym, kab davać padstavu dla vajny, ale heta nie aznačaje, što ŭ Łukašenki niama ŭraźlivych miescaŭ», — zajaviŭ Mahda.
Pavodle jahonaha prahnozu, nastupstvy ciapierašniaj palityki Minska mohuć prajavicca najbližejšym časam.
«Ja dumaju, my ŭbačym ich dosyć chutka — mahčyma, užo ŭ pačatku 2026 hoda», — skazaŭ jon.
Raniej prezident Ukrainy Uładzimir Zialenski abvinavaciŭ ułady Biełarusi ŭ spryjańni Rasii pry arhanizacyi napadaŭ bieśpiłotnikaŭ na terytoryju Ukrainy. Pavodle jahonaha śćviardžeńnia, biełaruskaja terytoryja vykarystoŭvajecca dla abychodu ŭkrainskich sistemaŭ supraćpavietranaj abarony padčas atak dronaŭ.
«Pavodle źviestak našaj vyviedki, abstalavańnie, što vykarystoŭvajecca va ŭdarach suprać Ukrainy, u pasieliščach Biełarusi pobač ź miažoj raźmiaščajecca ŭ tym liku na žyłych damach», — raspavioŭ Zialenski.
Prezident Ukrainy taksama zajaviŭ ab mahčymaj reakcyi ŭ adkaz.
«Prainfarmujem partnioraŭ i budziem rychtavać sumiesnyja adkazy», — skazaŭ Zialenski, nie ŭdakładniŭšy, ci idzie havorka pra dypłamatyčnyja zachady abo vajskovy adkaz.
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ4
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary