U Hrodnie vystavili na prodaž šalona darahija kvatery — razabrali za hadzinu
U novym kvartale pobač z histaryčnym centram Hrodna startavali prodažy kvater u 10‑paviarchovaj panelcy. Cana za mietr rekordnaja.
Novy dom budzie mieścicca pa adrasie: vuł. Astroŭskaha, 2V. Ceny na kvadrat u hetaj panelcy pačynajucca z 3 750 rubloŭ ($1270) u trochpakajoŭkach na 90 kvadrataŭ. Heta 337 500 rubloŭ, ci 114 400 dalaraŭ za kvateru.
Kvadrat u dvuchpakajoŭkach na 85 mietraŭ pradajecca pa 3 900 rubloŭ ($1322). Heta 331 500 rubloŭ, ci kala 112 400 dalaraŭ za dvuchpakajoŭku.
Mietr u adnapakajoŭkach acanili na 4 500 rubloŭ ($1525). Za kvateru płoščaj pad 50 kvadrataŭ vychodzić 225 tysiač rubloŭ, ci kala 76 270 dalaraŭ.
Heta samy darahi kvadrat u damach, jakija ŭzvodzić «Hrodnažyłbud». Pry hetym niekatoryja ludzi, jakija chacieli nabyć tam žytło kažuć, što nie paśpieli heta zrabić, bo kvatery ŭ hetym domie raskupili litaralna za hadzinu.
Dla paraŭnańnia: u addalenym ad centra spalnym rajonie Hrandzičy-4 «Hrodnažyłbud» pradaje kvatery ŭ panelkach pa cenach ad 2070 da 2550 rubloŭ (kala 700—865 dalaraŭ).
Vysoki košt kvater u hetym kvartale tłumačycca vydatnym raźmiaščeńniem. Heta, badaj, apošni plac pobač z centram, dzie možna pabudavać kvartał z šmatpaviarchovikami. Praŭda, niahledziačy na blizkaść da centru i vysoki košt mietra, heta pieravažna zvyčajnyja panelki, jakija ŭ mnohich haradžan vyklikajuć nie samyja pazityŭnyja emocyi.
Admietna, što jašče letam u hetym ža kvartale kvatery kaštavali značna tańniej. Tak, kvadrat u domie, jaki tady budavaŭsia, pradavali pa 2900—3200 rubloŭ (kala 990—1100 dalaraŭ).
Jak my pisali raniej, Hrodna sioleta staŭ lidaram siarod bujnych haradoŭ Biełarusi pa roście cen na nieruchomaść.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary