Jak vyhladaje znakamitaja kvatera Dolinaj, praź jakuju śpiavačku źnienavidzieli ŭ Rasii
Maskoŭskaja kvatera Łarysy Dolinaj za 112 miljonaŭ rubloŭ (kala 1,5 młn dalaraŭ) raźmieščanaja ŭ Ksieninskim zavułku, u elitnym rajonie Chamoŭniki. U kvatery piać pakojaŭ, płošča jaje składaje 236 m².
Dzieviacipaviarchovy manalitny dom, pabudavany ŭ 1997 hodzie, ličycca elitnym, maje zakrytuju terytoryju, padziemny haraž, a la ŭvachodaŭ ustanoŭleny statui lvoŭ.
U samoj kvatery piać pakojaŭ, usie pamiaškańni vialikija.
Interjer — aksamitnyja štory, kanapa z machrami, nakładnyja stoli, šklanyja dźviery ź vitražami.
Prastornaja kuchnia ŭ aliŭkava-izumrudnych adcieńniach abjadnanaja z haścioŭniaj. Ahulny mietraž ich składaje kala 50 kvadratnych mietraŭ, padłoha vykładzienaja naturalnym parkietam.
Haspadarski vanny pakoj aformleny ŭ ciomna-sinich kolerach.
Taksama ŭ kvatery jość dźvie spalni, vialikaja harderobnaja z voknami i avalny choł z kałonami.
Heta kvatera źmianiła situacyju na druhasnym rynku nieruchomaści ŭ Rasii i sparadziła tak zvany «efiekt Dolinaj». Ciapier mnohija bajacca zaklučać ździełki, asabliva kali nieruchomaść pradaje pažyły čałaviek.
Na śpiavačku abrynułasia chvala chejtu, ale sama pop-zorka ŭpeŭnienaja, što škvał abureńnia — akcyja jaje vorahaŭ, jakija vyrašyli skarystacca situacyjaj.
Dolina, sa słoŭ krynic, padkreślivaje, što jaje prava ŭłasnaści było paćvierdžana ŭ sudovym paradku, tamu ŭsie abvinavačvańni nie majuć padstavaŭ.
Śpiavačka atrymała nie tolki svaju kvateru nazad, ale i 3 miljony rasijskich rubloŭ (kala 40 tysiač dalaraŭ) źvierchu — joj addali ryełtarskuju kamisiju, jakuju jana apłaciła z atrymanych ad pakupnicy hrošaj, śćviardžaje telehram-kanał «Ńjusač/Dvač».
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
Hierainia tabłoidaŭ apošniaha času Łarysa Dolina źniałasia ŭ navahodnim šou na BT
«My pad upłyvam jaje pradavali». «Bieła-Koła» ŭvarvałasia ŭ skandał z kvateraj Dolinaj
«Daskanałyja i spłanavanyja ašukanskija dziejańni». Łarysa Dolina raskazała, jak stała achviaraj machlaroŭ
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie2
Kamientary