U maładziožnym mikrarajonie Hrodna zdali darohu paśla rekanstrukcyi
U Hrodnie adkryłasia abnoŭlenaja daroha ŭ mikrarajonie Alšanka — učastak aŭtatrasy Hrodna — Staradubavaja — Adelsk. Rekanstrukcyja pravodziłasia ŭ miežach hienpłana raźvićcia horada i stanie častkaj vialikaha abjaznoha kolca vakoł Hrodna, paviedamlaje BiełTA.
Novaja mahistral pavinna palepšyć złučeńnie pamiž paŭdniovymi žyłymi kvartałami i pramysłovymi zonami na poŭnačy, a taksama razhruzić centr horada ad tranzitnaha transpartu.
Adkryćcio darohi adbyłosia napiaredadni 7 listapada. Udzieł u im uziali staršynia abłvykankama Juryj Karajeŭ, kiraŭnik harvykankama Andrej Chmiel i pradstaŭniki budaŭničych arhanizacyj. Na novaj kolcavaj raźviazcy praviali nievialikaje dryft-šoŭ i test-drajv na aŭtamabilach Geely.
Pavodle słoŭ Juryja Karajeva, darohu zdali značna chutčej za zapłanavany termin — za šeść miesiacaŭ zamiest paŭtara hoda. Pry hetym čynoŭnik śćviardžaje, što raboty nibyta vykananyja jakasna i abyšlisia bieź lišnich vydatkaŭ.
Novaja daroha maje asablivaści: choć heta haradskaja vulica, piešachodnaha ruchu tut nie budzie, tamu na joj admovilisia ad paŭnavartasnych tratuaraŭ. Zatoje ŭstanoŭlenyja sučasnyja śviatłafory, taktylnyja plitki dla ludziej sa słabym zrokam i enierhaefiektyŭnaje aśviatleńnie.
Daroha daŭžynioj 3,3 kiłamietra maje dźvie raździelnyja pałasy pa 7,5 mietra kožnaja, šyrokuju raździalalnuju pałasu i sučasnaje pakryćcio z asfaltabietonu, raźličanaje na vialikija nahruzki. Taksama abstalavanyja dźvie kalcavyja raźviazki i zručnyja aŭtobusnyja prypynki.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary