ZŠA kančatkova prypynili sankcyi z «Biełavija» i samalotaŭ Łukašenki
Złučanyja Štaty Amieryki prypynili sankcyi ź biełaruskaj avijakampanii «Biełavija» i ź niekalkich samalotaŭ, jakimi karystajecca Alaksandr Łukašenka. Pra heta paviedamiła Ministerstva finansaŭ ZŠA.
4 listapada ŭpraŭleńnie pa kantroli za zamiežnymi aktyvami (OFAC) vydała ahulnuju licenziju №12, jakaja dazvalaje pravodzić apieracyi, źviazanyja z raniej zabłakiravanymi pavietranymi sudnami.
U dakumiencie adznačana, što ciapier dazvolena vykarystoŭvać try samaloty z bartavymi numarami:
- EW-001PA (sieryja 33079);
- EW-001PB (sieryja 33968);
- EW-001PH (sieryja 31835).
Hetyja pavietranyja sudny mohuć vykarystoŭvacca Alaksandram Łukašenkam ci kampanijaj «Słaŭkalij», jakaja taksama traplała pad sankcyi.
Licenzija nie aznačaje poŭnaje razmarožvańnie aktyvaŭ i nie dazvalaje pravodzić apieracyi, zabaronienyja inšymi amierykanskimi zakonami, u tym liku praviłami ekspartnaha kantrolu i mižnarodnaha handlu zbrojaj.
Akramia taho, «Biełavija» vyklučanaja sa śpisu śpiecyjalna pryznačanych hramadzian i zabłakavanych asobaŭ (SDN List). Heta aznačaje, što kampanija znoŭ moža vieści mižnarodnyja finansavyja i kamiercyjnyja apieracyi.
Asobnym punktam adznačana, što sankcyi źniaty i ź biznes-džeta EW-301PJ, jaki vykarystoŭvajecca siamjoj Łukašenki i aficyjna naležyć «Biełavija».
Łaŭroŭ nazvaŭ admienu sankcyj suprać «Biełavija» «krucielskaj historyjaj»
U ZŠA zakłapočanyja, kab paśla źniaćcia sankcyj z «Biełavija» detali dla «Boinhaŭ» nie traplali ŭ Rasiju
ZŠA pasłabili sankcyi «Biełavija», ale zabaranili vykarystoŭvać amierykanskija samaloty dla palotaŭ u Rasiju
Łatuška: Źniaćcie sankcyj z «Biełavija» — krok u intaresach biełaruskaha hramadstva
Minfin ZŠA patłumačyŭ, jak z «Biełavija» zdymuć sankcyi
Aryštavali pradstaŭnikoŭ kampanii Bayer u Biełarusi15
Kamientary