Baćka vyrašyŭ zastupicca za syna, jakoha abražali ŭ škole. Skončyłasia kryminalnaj spravaj
Žychar Klimavičaŭ vyrašyŭ zastupicca za syna-padletka, jakoha abražali adnakłaśniki. Spačatku mužčyna pasprabavaŭ raźviazać pytańnie mirna, ale plonu heta nie dało. U vyniku ŭsio skončyłasia kryminalnaj spravaj ab naŭmysnym pryčynieńni cialesnych paškodžańniaŭ niepaŭnaletniamu.
16‑hadovy padletak raskazaŭ baćku, što ŭ škole jaho abražajuć, a čaściej za ŭsio pytańni ŭźnikajuć z adnakłaśnikam. Spačatku mužčyna vyrašyŭ pahavaryć z baćkam kryŭdziciela, ale vyniku heta nie pryniesła, piša Onliner.by.
Paśla čarhovaha incydentu padletak nadumaŭ sustrecca z adnakłaśnikam i raźviazać situacyju, a papiarednie raskazaŭ pra heta baćku. Mužčyna pastanaviŭ pajści razam z synam, kampaniju im taksama skłaŭ plamieńnik abvinavačanaha.
«Kala 21 hadziny, sustreŭšy niepaŭnaletniaha ŭ dvary adnaho z žyłych damoŭ, abvinavačany nanios paciarpiełamu nie mienš za 26 udaraŭ rukami i nahami pa hałavie i inšych častkach cieła. U vyniku jamu byli naniesienyja mienš ciažkija cialesnyja paškodžańni, u tym liku zakryty pierałom nižniaj skivicy, rana vierchnich vusnaŭ, krovapadcioki», — raskazali ŭ sudzie.
Padčas pasiadžeńnia abvinavačany pryznaŭ vinu, ale admoviŭsia davać pakazańni.
U vyniku sud pryznaŭ jaho vinavatym u naŭmysnym pryčynieńni mienš ciažkaha cialesnaha paškodžańnia i pryznačyŭ pakarańnie ŭ vyhladzie chatniaj chimii na 1 hod biez štrafu. Taksama mužčynu abaviazali vypłacić na karyść paciarpiełaha maralnuju kampiensacyju — 3000 rubloŭ.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
Ja by ubiła voobŝie, nie hladia na kriminałku, za svojeho syna!