Prosić padtrymki šmatdzietnaja siamja, u jakoj aboje baćkoŭ byli palitviaźniami
Šmatdzietnaja siamja Julii i Ihara Łaptanovičaŭ prajšła vializnyja vyprabavańni i turmoj, i rasstańniem, i ŭźjadnańniem u čužoj krainie. Paśla troch apieracyj, pieraniesienych u kałonii, zdaroŭje Julii ŭ drennym stanie, tamu siamji patrebna dapamoha i padtrymka. Na jaje karyść abvieščany zbor na płatformie «Bajsoł».
Julija i Ihar Łaptanovičy — baćki traich dziaciej. Siamja žyła ŭ ahraharadku kala Pružan, Julija była starastaj nasielenaha punkta i pracavała biblijatekarkaj. Padčas vybaraŭ 2020 hoda jana razam z mužam była naziralnicaj.
Paśla vybaraŭ muž i žonka aktyŭna ŭklučylisia ŭ pratesnuju dziejnaść, za što pa ich žorstka prajechałasia represiŭnaja mašyna.
«Spačatku pasadzili majho muža, a mnie dali «chatniuju chimiju». Praź siem miesiacaŭ pryjšła maja čarha: suprać mianie raspačali spravu jašče pa siami artykułach i pryznačyli daŭžejšy termin źniavoleńnia na 4 hady i 9 miesiacaŭ. U 2024 hodzie ŭ dačynieńni da mianie raspačali jašče adnu kryminalnuju spravu, ale na hety raz abyšłosia tym, što bolš ciažki artykuł pahłynuŭ inšyja i termin nie dadaŭsia. Jaho ja adbyła całkam», — piša Julija Łaptanovič.
Padčas źniavoleńnia jana pieraniesła try apieracyi, jaje zdaroŭje mocna pahoršyłasia. Vyzvaliŭšysia 17 kastryčnika, žančyna vymušana pakinuła krainu, kab paźbiehnuć novaha terminu i represij. Ihar Łaptanovič, jaki adbyŭ prysud u 2 z pałovaj hady, vyzvaliŭsia ŭ 2023 hodzie i nieŭzabavie paśla taho vyjechaŭ ź Biełarusi ź dziećmi.
«Ciapier my ŭsie razam, ale muž jašče prachodzić intehracyjnuju prahramu, a našyja finansy vielmi abmiežavanyja. Mnie nieabchodna prajści miedycynskija abśledavańni i nastupnaje lačeńnie, ale pakul nie zrazumieła, dzie i jak heta budzie adbyvacca. Ciapier budu zajmacca lehalizacyjaj u čužoj krainie, kab my mahli spakojna žyć i pracavać», — piša Julija Łaptanovič.
Sabranyja srodki pojduć na miedycynskaje abśledavańnie i lačeńnie, na padtrymku siamji ŭ pieryjad adaptacyi, a taksama na afarmleńnie lehalizacyi i zabieśpiačeńnie bazavych patreb.
Suma zboru — €5000
€2500 — miedycynskaje abśledavańnie i lačeńnie Julii Łaptanovič (dakładnych dyjahnazaŭ jana nie moža pakul skazać, bo ŭ turmie joj naohuł ničoha nie kazali i paśla vyzvaleńnia admovilisia vydać daviedku. Viedaje tolki, što była apieracyja pa hiniekałohii i dźvie na kišečniku, zaraz žančyna maje vialikija prablemy sa stravavańniem);
€1000 — na pieršasnuju adaptacyju Julii Łaptanovič;
€1000 — padtrymka troch dziaciej;
€500 — na niepradbačanyja vydatki, źviazanyja sa zdaroŭjem i intehracyjaj Julii Łaptanovič.
Padtrymać hetu siamju možna pa spasyłcy.
Vyjšła na svabodu palitźniavolenaja maci traich dziaciej Julija Łaptanovič. Jana ŭžo vyjechała da siamji za miažu
56‑hadovuju palitźniavolenuju z Pružanaŭ, u jakoj dačka siadzić, a ziać adsiedzieŭ, adpuścili na chatniuju chimiju
U šmatdzietnaj siamji z-pad Pružan pasadzili maci, baćku, a ciapier i babu — usich za palityku
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie1
Kamientary