Просіць падтрымкі шматдзетная сям'я, у якой абое бацькоў былі палітвязнямі
Шматдзетная сям'я Юліі і Ігара Лаптановічаў прайшла вялізныя выпрабаванні і турмой, і расстаннем, і ўз'яднаннем у чужой краіне. Пасля трох аперацый, перанесеных у калоніі, здароўе Юліі ў дрэнным стане, таму сям'і патрэбна дапамога і падтрымка. На яе карысць абвешчаны збор на платформе «Байсол».
Юлія і Ігар Лаптановічы — бацькі траіх дзяцей. Сям'я жыла ў аграгарадку каля Пружан, Юлія была старастай населенага пункта і працавала бібліятэкаркай. Падчас выбараў 2020 года яна разам з мужам была назіральніцай.
Пасля выбараў муж і жонка актыўна ўключыліся ў пратэсную дзейнасць, за што па іх жорстка праехалася рэпрэсіўная машына.
«Спачатку пасадзілі майго мужа, а мне далі «хатнюю хімію». Праз сем месяцаў прыйшла мая чарга: супраць мяне распачалі справу яшчэ па сямі артыкулах і прызначылі даўжэйшы тэрмін зняволення на 4 гады і 9 месяцаў. У 2024 годзе ў дачыненні да мяне распачалі яшчэ адну крымінальную справу, але на гэты раз абышлося тым, што больш цяжкі артыкул паглынуў іншыя і тэрмін не дадаўся. Яго я адбыла цалкам», — піша Юлія Лаптановіч.
Падчас зняволення яна перанесла тры аперацыі, яе здароўе моцна пагоршылася. Вызваліўшыся 17 кастрычніка, жанчына вымушана пакінула краіну, каб пазбегнуць новага тэрміну і рэпрэсій. Ігар Лаптановіч, які адбыў прысуд у 2 з паловай гады, вызваліўся ў 2023 годзе і неўзабаве пасля таго выехаў з Беларусі з дзецьмі.
«Цяпер мы ўсе разам, але муж яшчэ праходзіць інтэграцыйную праграму, а нашыя фінансы вельмі абмежаваныя. Мне неабходна прайсці медыцынскія абследаванні і наступнае лячэнне, але пакуль не зразумела, дзе і як гэта будзе адбывацца. Цяпер буду займацца легалізацыяй у чужой краіне, каб мы маглі спакойна жыць і працаваць», — піша Юлія Лаптановіч.
Сабраныя сродкі пойдуць на медыцынскае абследаванне і лячэнне, на падтрымку сям'і ў перыяд адаптацыі, а таксама на афармленне легалізацыі і забеспячэнне базавых патрэб.
Сума збору — €5000
€2500 — медыцынскае абследаванне і лячэнне Юліі Лаптановіч (дакладных дыягназаў яна не можа пакуль сказаць, бо ў турме ёй наогул нічога не казалі і пасля вызвалення адмовіліся выдаць даведку. Ведае толькі, што была аперацыя па гінекалогіі і дзве на кішэчніку, зараз жанчына мае вялікія праблемы са страваваннем);
€1000 — на першасную адаптацыю Юліі Лаптановіч;
€1000 — падтрымка трох дзяцей;
€500 — на непрадбачаныя выдаткі, звязаныя са здароўем і інтэграцыяй Юліі Лаптановіч.
Падтрымаць гэту сям'ю можна па спасылцы.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»27
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары