U Paryžy praz łatareju razyhryvajucca miescy na mohiłkach pobač sa znakamitaściami
U Paryžy abviaścili niezvyčajnuju łatareju — jaje pieramožcy atrymajuć nie hrošy, a prava być pachavanymi na viadomych staličnych mohiłkach pobač z takimi lehiendami, jak Edzit Pijaf, Oskar Uajld, Džym Morysan i inšyja.
Jak paviedamlaje CNN, meta inicyjatyvy — adnaŭleńnie zaniadbanych mahił i stvareńnie mahčymaści dla žycharoŭ horada atrymać redkaje miesca dla pachavańnia. Haradskija ŭłady adznačyli, što mohiłki Paryža amal zapoŭnienyja ŭžo z pačatku XX stahodździa, a pracesy adnaŭleńnia starych pachavańniaŭ uskładniajucca jurydyčnymi normami.
Ciapier pieramožcy łatarei zmohuć nabyć i adnavić adnu z 30 starych hrabnic na troch znakamitych mohiłkach — Pier-Łašez, Manparnas i Manmartr. Kožnaja ź ich pradajecca pa canie ŭsiaho kala 4000 jeŭra, ale, akramia hetaha, udzielniki pavinny samastojna apłacić restaŭracyju histaryčnych pomnikaŭ.
Paśla hetaha jany atrymajuć mahčymaść arandavać miesca: ad 976 jeŭra za 10 hadoŭ da 17 668 jeŭra za «viečny» kantrakt.
Zajaŭki prymajucca da 31 śniežnia, a ŭdzieł u łatarei kaštuje 125 jeŭra. Ułady spadziajucca, što takim čynam udasca zachavać historyka-kulturnuju spadčynu i pryciahnuć uvahu da starych pachavańniaŭ.
Na Uschodnich mohiłkach adkryli nadmahilny pomnik Źmitraku Biadulu
Piać cikavych mohiłak Biełarusi dla naviedvańnia na Dziady
U Luteranskim sadzie ŭ Vilni ŭšanavali pamiać Franciška Alachnoviča
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary
- A my - hrabnicu na Pier Łašez, 100 mietraŭ ad Džyma Morysana i Šapena.