U Minharvykankamie raskazali, dzie ŭ stalicy jašče buduć budavać novaje žyllo
U Minsku buduć budavać novaje žyllo na niekalkich bujnych placoŭkach, raskazała Iryna Hontarava, staršynia kamiteta budaŭnictva i inviestycyj Minharvykankama. Jana, adnak, adznačyła, što ŭ horadzie budaŭnictva žylla budzie skaračacca, piša BiełTA.
Pa daručeńni Łukašenki štohod uvodzicca ŭ ekspłuatacyju nie bolš za 500 tysiač kvadratnych mietraŭ žylla ŭ Minsku. Ciapier realizujucca niekalki bujnych prajektaŭ.
U kompleksie «Minsk-Śviet» idzie zaklučnaja stadyja budaŭnictva, asnoŭnaja častka žylla budzie zdadziena da kanca hetaha hoda. U nastupnym hodzie tam zastaniecca tolki 10—12 damoŭ, paśla čaho budaŭnictva na hetaj terytoryi zavieršycca.
Adnoj z novych bujnych placovak źjaŭlajecca «Paŭnočny bierah». Prajekt užo raspačaty, damy budujucca i ŭvodziacca ŭ ekspłuatacyju, ahulnaja płošča prajekta składzie bolš za 5 miljonaŭ kvadratnych mietraŭ žylla.
Volnych ziamielnych učastkaŭ u Minsku ŭžo faktyčna niama. Ciapier pravodzicca znos dvuchpaviarchovych damoŭ u pryvatnym siektary, terytoryi ačyščajucca pad novyja zabudovy. Takija terytoryi, adnak, pieradajucca tolki kamunalnym pradpryjemstvam horada i vykarystoŭvajucca dla budaŭnictva žylla dla hramadzian, jakija stajać na ŭliku jak tyja, chto maje patrebu ŭ žylli. Kamiercyjnym zakazčykam hetyja terytoryi nie pradajucca, a aŭkcyjony na budaŭnictva žylla ŭ horadzie nie pravodziacca.
Adnoj ź pierśpiektyŭnych placovak dla budaŭnictva žylla źjaŭlajecca mikrarajon Zialony Bor. Tut płanujecca pabudavać kala 4—4,5 miljona kvadratnych mietraŭ žylla. Užo pačałasia raspracoŭka prajektavańnia padjaznych daroh i nieabchodnych inžyniernych sietak. Placoŭka vialikaja, tamu prajekt budzie realizavany paetapna i raspracavany da 2040 hoda. Meta — zabiaśpiečyć žyllom usich hramadzian, jakija majuć patrebu. Akramia žylla, u Zialonym Bary buduć pabudavanyja škoły, dziciačyja sady i palikliniki.
Usie placoŭki, ačyščanyja ŭ papiarednija hady, ciapier u pracy. Paskoranymi tempami idzie zabudova mikrarajona Łošyca, a pa praśpiekcie Dziaržynskaha ŭžo praviedzieny asnoŭny znos pryvatnaha siektara.
Kvadratny mietr u Minsku ŭžo pa $1850. Kolki jašče budzie praciahvacca rost?
Zaviaršajecca budoŭla na Vałhahradskaj. Jak tam usio vyhladaje ciapier
U Drazdach pradajuć dom, jaki pabudavaŭ były premjer Navicki na lhotny kredyt
«Ciače dach, adklučyli śviatło, častkova razrabavali». Taki dom zdajuć u arendu ŭ Minsku
Samuju darahuju kvateru ŭ Minsku ŭ vieraśni pradali za 470 tysiač dalaraŭ
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary