«Ciače dach, adklučyli śviatło, častkova razrabavali». Taki dom zdajuć u arendu ŭ Minsku
Kali ŭ Minsku ŭpieršyniu pačali zdavać u arendu kvatery biez azdableńnia, ludzi ździŭlalisia: «Nu jak u takim žyć?» Siońnia hetym užo nie ździviš.
Zaraz u sacsietkach abmiarkoŭvajuć abjavy z damami ŭ avaryjnym stanie, uładalniki jakich šukajuć kvatarantaŭ.
Nu a što — ceny na rynku nieruchomaści bjuć rekordy, dyk čamu b nie pasprabavać atrymać vyhadu z choć jakoj nieruchomaści. U servisie «Damy i kvatery» Onliner taksama zaŭvažyli cikavy abjekt. Jaho možna arandavać za $199 u miesiac, ale jość niuans.
Dom płoščaj 90 kv. m raźmieščany pa adrasie vulica Čyhunačnaja, 5. Staić jon niedaloka ad Minskaha vahonaramontnaha zavoda i čyhunačnych šlachoŭ. U jaho jość nievialiki, zarosły travoj i drevami dvor.
Adnak unutry dom mała prystasavany dla žyćcia. Prynamsi, na dadzieny momant. U budynku ciače dach i z-za hetaha adklučana elektraenierhija. Jaho častkova razrabavali. Prybiralnia znachodzicca na vulicy. Vady niama — jaje pryjdziecca nabirać z kałonki pobač z domam.
Sam uładalnik adznačaje: mebla ŭ pakojach vielmi staraja, ale žyć možna. Asabliva kali prybrać płast pyłu i pastavić novuju meblu.
— Daŭno nichto ŭ im nie žyŭ. Patrebny budzie drobny ramont, kab žyć z kamfortam. Za adnaŭleńnie, ramont i stvareńnie dadatkovych zručnaściaŭ dam pažyć biaspłatna, — piša jon.
Źniać takoje žyllo ŭ arendu možna terminam ad adnaho hoda, nie mienš. Dla hramadzian Biełarusi staŭka takaja — $199 u miesiac. Taksama spatrebicca zakład. A voś dla zamiežnikaŭ cana vyšejšaja.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary