«Цячэ дах, адключылі святло, часткова разрабавалі». Такі дом здаюць у арэнду ў Мінску
Калі ў Мінску ўпершыню пачалі здаваць у арэнду кватэры без аздаблення, людзі здзіўляліся: «Ну як у такім жыць?» Сёння гэтым ужо не здзівіш.
Зараз у сацсетках абмяркоўваюць аб’явы з дамамі ў аварыйным стане, уладальнікі якіх шукаюць кватарантаў.
Ну а што — цэны на рынку нерухомасці б’юць рэкорды, дык чаму б не паспрабаваць атрымаць выгаду з хоць якой нерухомасці. У сэрвісе «Дамы і кватэры» Onliner таксама заўважылі цікавы аб’ект. Яго можна арандаваць за $199 у месяц, але ёсць нюанс.
Дом плошчай 90 кв. м размешчаны па адрасе вуліца Чыгуначная, 5. Стаіць ён недалёка ад Мінскага вагонарамонтнага завода і чыгуначных шляхоў. У яго ёсць невялікі, зарослы травой і дрэвамі двор.
Аднак унутры дом мала прыстасаваны для жыцця. Прынамсі, на дадзены момант. У будынку цячэ дах і з-за гэтага адключана электраэнергія. Яго часткова разрабавалі. Прыбіральня знаходзіцца на вуліцы. Вады няма — яе прыйдзецца набіраць з калонкі побач з домам.
Сам уладальнік адзначае: мэбля ў пакоях вельмі старая, але жыць можна. Асабліва калі прыбраць пласт пылу і паставіць новую мэблю.
— Даўно ніхто ў ім не жыў. Патрэбны будзе дробны рамонт, каб жыць з камфортам. За аднаўленне, рамонт і стварэнне дадатковых зручнасцяў дам пажыць бясплатна, — піша ён.
Зняць такое жыллё ў арэнду можна тэрмінам ад аднаго года, не менш. Для грамадзян Беларусі стаўка такая — $199 у месяц. Таксама спатрэбіцца заклад. А вось для замежнікаў цана вышэйшая.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары