Biełaruski biznesmien adnaŭlaje histaryčny pałac Lubamirskich u Biełastoku. Tam budzie hatel i restaran
Biełaruski biznesmien Alaksiej Navicki, jaki źjaŭlajecca ŭładalnikam biełastockaj haza-chimičnaj kampanii WGT Group, pačaŭ rekanstrukcyju histaryčnaj słavutaści — Pałaca Lubamirskich u rajonie Dajlidy ŭ Biełastoku, piša ekanamičny ahladalnik Vadzim Siachovič.
U adnoŭlenym budynku budzie raźmieščany hatel i restaran.
WGT Group stała ŭładalnikam pałaca ŭ listapadzie 2020 hoda, vykupiŭšy jaho na aŭkcyjonie za 6,5 młn złotych (pačatkovaja cana była 4,2 młn złotych).
Aktyŭnaja rekanstrukcyja pačałasia ŭviesnu 2025 hoda.
Pałac Lubamirskich — adno sa znakavych miescaŭ administracyjnaha centra Padlaskaha vajavodstva, rekamiendavany da naviedvańnia turystyčny abjekt. Jaho ŭ 1850‑ch u tady jašče vioscy Dajlidy pabudavaŭ rasijski baron Alaksandr Kruzienštern — syn viadomaha marapłaŭca admirała Ivana Kruzienšterna. Ad jaho dački i spadčyńnicy Safii fon Rudyhier pałac pierajšoŭ va ŭłasnaść da kniazia Ježy Rafała Lubamirskaha.
U čas hiermanskaj akupacyi Polščy ŭ 1940‑ch u im mieściłasia rezidencyja haŭlajtera Uschodniaj Prusii, rejchskamisara Ukrainy i načalnika hramadzianskaha ŭpraŭleńnia akruhi Biełastok Eryka Kocha.
U časy PNR pałac zaniaŭ sielskahaspadarčy technikum, a ŭžo ŭ sučasnaj Polščy haradskija ŭłady ŭ 1990‑ch pradali jaho razam z prylehłym na 26 hiektarach parkam usiaho za 160 tys. złotych pryvatnaj Vyšejšaj škole publičnaj administracyi imia Stanisłava Stašyca.
Adukacyjnaja ŭstanova, u rekanstrukcyju i pašyreńnie jakoj byli pryciahnutyja jeŭrapiejskija hrošy, kvitnieła pry jaje pieršaj uładalnicy, prafiesarki, byłoj ministarki kultury i šmathadovaj jeŭradeputatki Barbary Kudryckaj. Ale z 2010‑ch pačała prychodzić u zaniapad. U 2016 h. novym haspadarom pałaca Lubamirskich stała kampanija PQE. Praŭda, u 2019‑m jana zbankrutavała.
Kampanija WGT Group naležyć biełarusu Alaksieju Navickamu i hramadziancy Polščy Monicy Kamile Hul. WGT Group, zasnavanaja ŭ 2017 hodzie, uvachodzić u lik viadučych inviestycyjnych prajektaŭ biełarusaŭ u Polščy.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić21
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna66
Kamientary