Rasijskaja danośnica i kiraŭnica Lihi biaśpiečnaha internetu Kaciaryna Mizulina i Z-śpiavak Šaman (Jarasłaŭ Dronaŭ) ažanilisia ŭ akupavanym Daniecku.
Mizulina ŭ svaim telehram-kanale vykłała videa z kadrami z uračystaści. Na videa žanich i niaviesta ŭ kašulach koleru chaki.
Šaman taksama raźmiaściŭ videa ŭ svaich sacsietkach.
«U Daniecku my z Kaciarynaj naviedali ZAHS i raśpisalisia», — napisaŭ jon.
Razmovy pra hetu ideałahična vyvieranuju paru chadzili daŭno. Šaman i Mizulina vykładvali sumiesnyja fatahrafii i ramantyčnyja videa, a ŭ studzieni 2025 hoda pacałavalisia na sustrečy sa školnikami.
«Faktyčna Šaman i Mizulina byli nie žyvymi ludźmi, a miemami. (…) Ale niadzielny kancert kančatkova źvioŭ dva miemy ŭ adzin», — napisała pra ich rasijskaje vydańnie «Kamiersant».
Šaman viadomy takimi ŭra-patryjatyčnymi pieśniami, jak «Ja russkij» i «Vstaniem». Jon vystupaje na rasijskich dziaržaŭnych kancertach u padtrymku vajny.
Kaciaryna Mizulina — kiraŭnica rasijskaj Lihi biaśpiečnaha internetu i dačka fanatyčnaj prapucinskaj i antyŭkrainskaj sienatarki Aleny Mizulinaj.
Brytanskija ŚMI ŭ lutym 2024 hoda napisali, što Kaciaryna źjaŭlajecca novaj kachankaj prezidenta Rasii Uładzimira Pucina.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary