Расійская даносніца і кіраўніца Лігі бяспечнага інтэрнэту Кацярына Мізуліна і Z-спявак Шаман (Яраслаў Дронаў) ажаніліся ў акупаваным Данецку.
Мізуліна ў сваім тэлеграм-канале выклала відэа з кадрамі з урачыстасці. На відэа жаніх і нявеста ў кашулях колеру хакі.
Шаман таксама размясціў відэа ў сваіх сацсетках.
«У Данецку мы з Кацярынай наведалі ЗАГС і распісаліся», — напісаў ён.
Размовы пра гэту ідэалагічна вывераную пару хадзілі даўно. Шаман і Мізуліна выкладвалі сумесныя фатаграфіі і рамантычныя відэа, а ў студзені 2025 года пацалаваліся на сустрэчы са школьнікамі.
«Фактычна Шаман і Мізуліна былі не жывымі людзьмі, а мемамі. (…) Але нядзельны канцэрт канчаткова звёў два мемы ў адзін», — напісала пра іх расійскае выданне «Камерсант».
Шаман вядомы такімі ўра-патрыятычнымі песнямі, як «Я русский» і «Встанем». Ён выступае на расійскіх дзяржаўных канцэртах у падтрымку вайны.
Кацярына Мізуліна — кіраўніца расійскай Лігі бяспечнага інтэрнэту і дачка фанатычнай прапуцінскай і антыўкраінскай сенатаркі Алены Мізулінай.
Брытанскія СМІ ў лютым 2024 года напісалі, што Кацярына з'яўляецца новай каханкай прэзідэнта Расіі Уладзіміра Пуціна.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію3
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі44
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі4
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары