Pałata pradstaŭnikoŭ pryniała zakon ab daktyłaskapičnaj rehistracyi zamiežnikaŭ
Pałata pradstaŭnikoŭ pryniała zakon ab daktyłaskapičnaj rehistracyi zamiežnikaŭ. Zakon praduhledžvaje pašyreńnie katehoryj asob, jakija padlahajuć abaviazkovaj daktyłaskapičnaj rehistracyi.
U im taksama ŭdakładniajecca pieralik źviestak, što fiksujucca pry hetaj rehistracyi.
Raniej u apublikavanym prajekcie zakona było prapisana, što abaviazkovaj daktyłaskapičnaj rehistracyi buduć padlahać zamiežnyja hramadzianie i asoby biez hramadzianstva:
— jakija padlahajuć departacyi, vysyłcy z Respubliki Biełaruś abo pieradačy zamiežnaj dziaržavie ŭ adpaviednaści ź mižnarodnaj damovaj Biełarusi ab readmisii;
— jakija prachodziać pamiežny kantrol pry pierasiačeńni imi Dziaržaŭnaj miažy Respubliki Biełaruś;
— załučanyja ŭ Śpis asob, ujezd jakich u Respubliku Biełaruś zabaronieny abo niepažadany, za vyklučeńniem niepaŭnaletnich, što nie dasiahnuli 14‑hadovaha ŭzrostu, asob, jakija dasiahnuli 75‑hadovaha ŭzrostu;
— u dačynieńni jakich upaŭnavažanymi słužbovymi asobami orhanaŭ pamiežnaj słužby pryniata rašeńnie ab praviadzieńni abaviazkovaj dziaržaŭnaj daktyłaskapičnaj rehistracyi ŭ intaresach harantavańnia nacyjanalnaj biaśpieki Respubliki Biełaruś.
Taksama prajekt praduhledžvaŭ daktyłaskapičnuju rehistracyju, u tym liku pry vydačy i abmienie dakumientaŭ, što paćviardžajuć asobu, i dla biełaruskich hramadzian:
— jakija nabyli hramadzianstva zamiežnaj dziaržavy abo atrymali dazvoł na žycharstva ci inšy dakumient zamiežnaj dziaržavy, što daje prava na lhoty i inšyja pieravahi ŭ suviazi z palityčnymi, relihijnymi pohladami abo nacyjanalnaj prynaležnaściu, i prainfarmavali pra heta orhany ŭnutranych spraŭ abo dypłamatyčnyja pradstaŭnictvy ci konsulskija ŭstanovy Respubliki Biełaruś va ŭstanoŭlenym paradku;
— što stała pražyvajuć za miežami Respubliki Biełaruś i pastaŭlenych na konsulski ŭlik hramadzian, jakija aformili vyjezd na stałaje pražyvańnie (aformili stałaje pražyvańnie) za miežami Respubliki Biełaruś u dypłamatyčnych pradstaŭnictvach abo konsulskich ustanovach Respubliki Biełaruś.
Vyklučeńnie zroblena dla biełarusaŭ, jakim nie spoŭniłasia 14 hadoŭ, a taksama dla asob, starejšych za 75 hadoŭ.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary