Sproba pracaŭładkavańnia ŭ Narviehii abiarnułasia dla žycharki Pinska strataj hrošaj. Ubačyŭšy rekłamnuju prapanovu, jana zacikaviłasia i nieabačliva pačała pierapisku ŭ internecie.
«Mieniedžar zavoda adrazu skazaŭ joj pierajści da kamunikacyi ŭ miesiendžary sa śpiecyjalistam. Dziaŭčynie prapanavali vialiki vybar vakansij, pry hetym usie pasady byli vysokaapłatnymi, bo pracavać prapanoŭvałasia na viadomym i bujnym zavodzie ŭ Narviehii», — raskazali va UUS Bresckaha abłvykankama.
Žančynie navat uzhadnili pracu vachtavym mietadam, jak jana i prasiła, dapamahli prajści pravierku, zapoŭnić ankiety, atrymać dazvoł i navat aformić rachunak u banku. Pry hetym kandydatcy dasyłali fiktyŭnyja damovy, čeki i siertyfikaty.
U vyniku pinčanka zrabiła niekalki płaciažoŭ prykładna na 4 tysiač rubloŭ, adnak tak i nie dačakałasia abiacanaha pracaŭładkavańnia. Kali jana zrazumieła, što jaje padmanuli, to źviarnułasia z zajavaj u milicyju. Śledčyja raspačali kryminalnuju spravu pa fakcie machlarstva.
Kamientary