Piensijanierka šmat hadoŭ źbirała hrošy na kvateru, kab paśla aščaślivić imi «siabroŭ pa pierapiscy»
69‑hadovaja žycharka Vałkavyska ŭvadnačas straciła ŭsie svaje aščadžeńni, davieryŭšysia machlaram ź internetu.
Jak paviedamlaje Śledčy kamitet, historyja pačałasia ŭ lipieni 2025 hoda. Piensijanierka paznajomiłasia ŭ sacyjalnaj sietcy TikTok z mužčynam, jaki pradstaviŭsia žycharom ZŠA. Jon pisaŭ pa-rusku, što ad pačatku mahło vyklikać padazreńni. Tym nie mienš, žančyna praciahnuła ź im znosiny.
Pastupova nieznajomiec uvajšoŭ da žančyny ŭ davier, pačaŭ raskazvać pra svaje «žyćciovyja ciažkaści» i prasić dapamohi: to na ježu, to na novy telefon, to nibyta na apłatu pasyłki abo mytnych zboraŭ. Jon pierakanaŭ žančynu adkryć bankaŭski rachunak i rehularna pieraličvać jamu hrošy.
Paźniej da machinacyi padklučyŭsia jašče adzin čałaviek, jaki pradstaviŭsia supracoŭnikam FBR. Piensijanierka vieryła abodvum i praciahvała pieraličvać hrošy, pakul ahulnaja suma strataŭ nie pieravysiła 103 tysiačy rubloŭ.
Padčas rasśledavańnia milicyja praviała dopyt paciarpiełaj i pravierku jaje kampjutara, a taksama zaprasiła danyja pa bankaŭskich apieracyjach.
Žančyna paviedamiła, što hetyja hrošy byli jaje asabistymi aščadžeńniami, jakija jana šmat hadoŭ adkładała, kab kupić sabie kvateru. Pry hetym piensijanierka da hetaha času vieryć adnamu z machlaroŭ i spadziajecca, što toj viernie hrošy. Jana navat nie chacieła źviartacca ŭ milicyju, kab «nie vynosić spravu na publiku».
Pa fakcie machlarstva ŭ asabliva bujnym pamiery zaviali kryminalnuju spravu.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary