U Rya-de-Žanejra palicyja pravodzić maštabnuju apieracyju suprać narkahandlaroŭ, dziasiatki zahinułych
Pavodle danych brazilskich uładaŭ, jak minimum 64 čałavieki zahinuli padčas maštabnaj apieracyi ŭ favełach Kompleksa-du-Alemaa i Kompleksa-da-Pieńja na poŭnačy Rya-de-Žanejra. Siarod zahinułych — čaćviora palicejskich i 60 padazravanych u narkatrafiku i suviaziach ź miascovaj złačynnaj hrupoŭkaj «Čyrvonaja kamanda» (Comando Vermelho, CV). Try miascovyja žychary atrymali ranieńnia padčas pierastrełki, paviedamlaje CNN.
U vyniku apieracyi, jakuju ŭłady nazvali najbolšaj u historyi štata, byŭ zatrymany 81 čałaviek, kanfiskavanaja zbroja i transpart. Siarod zatrymanych — adzin ź lidaraŭ «Čyrvonaj kamandy» ŭ rehijonie Edhar Ałvies de Andrade pa mianušcy «Miadźviedź».
U apieracyi ŭdzielničali kala 2500 palicejskich. Ranicaj 28 kastryčnika, kali jany pryjechali z ordarami na aryšt, členy hrupoŭki adkryli ahoń, pierakryli vulicy ŭ niekalkich rajonach horada i padpalili barjery.
Padčas apieracyi ŭ rajonach Alemaa i Pieńja prypynili pracu miedustanovy i škoły, a maršruty hramadskaha transpartu źmianili, kab pamienšyć ryzyku dla žycharoŭ. Miascovyja ŭłady patrabujuć va ŭrada i prezidenta adpravić na dapamohu palicyi vajskoŭcaŭ.
Ułady Rya-de-Žaniejra rehularna pravodziać takija apieracyi ŭ favełach u ramkach baraćby z arhanizavanaj złačynnaściu. Hetaja apieracyja stała samaj masavaj pa kolkaści achviar u historyi horada. Raniej takoj ličyłasia apieracyja ŭ favele Žakarezińju ŭ mai 2021 hoda, kali zahinuli 28 čałaviek, uklučajučy palicejskich i padazravanych.
ZŠA ŭpieršyniu nanieśli ŭdar pa sudnach narkahandlaroŭ u Cichim akijanie
Jak samyja niebiaśpiečnyja narkakarteli śvietu zachoplivajuć Jeŭropu
«Dapuściŭ roskvit narkakartelaŭ». ZŠA ŭviali sankcyi suprać prezidenta Kałumbii Hustava Pietra
Jak siłaviki na čale z Karpiankovym kryšavali narkahandlaroŭ i zastalisia biespakaranymi
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada63
Kamientary