Aktyvist i palityčny viazień Mikoła Dziadok paraiŭ, što maje sens rabić biełarusam u emihracyi, kab nablizić pieramieny. Adkaz moža padacca niečakanym.
U intervju «Radyjo Svaboda» razvažajučy pra toje, što rabić biełarusam u vyhnańni, kab niejkim čynam nablizić pieramieny, Mikoła Dziadok daŭ adnaznačnuju paradu: pracavać nad saboj.
«Ja liču, što praca asabistaja kožnaha čałavieka nad saboj — heta nie mienš važnaja revalucyjnaja praca, čym stvareńnie niejkich sacyjalnych instytutaŭ, revalucyjnych jačejek i ŭsiaho astatniaha», — padkreśliŭ aktyvist.
Pavodle jaho, paśpiachovaje demakratyčnaje hramadstva nie moža być pabudavana ludźmi, jakija ŭ štodzionnym žyćci prajaŭlajuć abyjakavaść da inšych, nie vykonvajuć svaich abiacańniaŭ, chłusiać, ciarpiać chamstva na pracoŭnym miescy:
«Davajcie dla pačatku zadumajemsia, jakoje hramadstva mohuć pabudavać ludzi, jakija ŭ štodzionnaści, u pobycie, u svaich štodzionnych spravach chłusiać adzin adnamu, nie vykonvajuć svaje abiacańni, nie mohuć padtrymać bližniaha, nie viedajuć navat, chto ź imi žyvie na leśvičnaj kletcy, ci jość u hetaha čałavieka niejkija patreby?
Jakoje hramadstva mohuć pabudavać ludzi, jakija na svaim pracoŭnym miescy cierpiać chamstva i prynižeńnie, da prykładu, ad svajho načalnika, i miracca z hetym, jakija prachodziać (…) [kali] na vulicy (…) prosta valajecca čałaviek. Jany prachodziać mima jaho, dumajučy: «Aj, pjantos napeŭna, chaj valajecca sabie, mianty zabiaruć».
Davier jak baza demakratyi
Błohier źviartaje ŭvahu na toje, što klučavym elemientam demakratyčnaha hramadstva źjaŭlajecca davier i luboŭ da bližniaha. Pa jaho słovach, represiŭnaja sistema metanakiravana bje pa hetych elemientach.
«Treniravać luboŭ da bližniaha, treniravać zdolnaść prabačać bližniamu i, hałoŭnym čynam, davier. Davier da blizkich ludziej, praktykavać jaho štodzionna, bo davier — heta baza luboha demakratyčnaha hramadstva», — zaklikaje Mikoła Dziadok.
Jon źviartaje ŭvahu na toje, što asnoŭnaja meta taktyki režymu — likvidavać davier siarod aktyvistaŭ, lidaraŭ apazicyi i navat hramadzianskaj supolnaści ŭ cełym. Hetaja taktyka nakiravana na toje, kab demaralizavać hramadstva.
«Jak my bačym, usie ichnija represiŭnyja taktyki, jany skiravanyja pieravažna na toje, kab likvidavać davier miž siabrami jak revalucyjnych arhanizacyj, tak i hramadzianskaj supolnaści.
Pahladzicie, jakija vysiłki prykładajucca tam, kab zakidać brudam našych apazicyjnych lidaraŭ, usich mała-malskich aktyŭnych ludziej, dyskredytavać, i praz dyskredytacyju demaralizavać. Kab my nie vieryli adzin u adnaho, adzin u adnym padazravali ahientaŭ KDB. Padazravali, što «a voś hety skraŭ 150 miljonaŭ hrantaŭ, a hety tam jašče niechta, a hety jašče chtości».
«Voś hetaja praca nad saboj, toje ŭsio, što zapisana ŭ Biblii — lubić bližniaha, jak samoha siabie, padtrymlivać bližniaha, dumać ab bližnim bolš, čym ab sabie.
Kaniešnie, heta supier składana, heta vielmi vysoki ŭzrovień, ale hety ŭzrovień nieabchodny dla taho, kab dasiahnuć lepšaha hramadstva i dla taho, kab na novym vitku abudžeńnia biełarusaŭ nam dasiahnuć nieabchodnych vysnovaŭ», — davodzić Dziadok.
Akramia maralnaha raźvićcia, Dziadok padkreślivaje nieabchodnaść samaadukacyi ŭ palityčnaj śfiery i ŭ halinie sacyjalnych navuk, kab nie stać achviaraj manipulataraŭ:
«Adukoŭvacca palityčna, u śfiery sacyjalnych navuk, kab nie stać achviaraj manipulataraŭ, jakich było vielmi šmat u 2020 hodzie».
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj22
Kamientary
Dy i ŭ adroźnieńnie ad šmatlikich ancifašystaŭ ź Biełarusi, viedaje biełaruskuju movu. Admietna. Mikoła fakusujecca na realnych biełaruskich prablemach, a nie internacyjanalistyčnaj ultralevaj paviestcy pra hiendary, łhbtkjcukie+ i inšym takim.