Ź pierasadkaj na «Akademii navuk». Prajekciroŭščyki raskazali, jakoj moža być čaćviortaja linija minskaha mietro

Jak paviedamiŭ pieršy namieśnik dyrektara AAT «Minskmietraprajekt» Hieorhij Pratasaŭ, hety maštabny prajekt, raźličany na pierśpiektyvu, zaraz znachodzicca na stadyi apracoŭki.

Płanujecca raźmiaścić 16 stancyj, šeść ź jakich stanuć pierasadačnymi z užo isnujučymi linijami mietro, piša vydańnie «Minski kurjer».

Pry hetym, pa słovach Pratasava, «kolkaść i raźmiaščeńnie buduć jašče nieadnarazova ŭdakładniacca, bo budaŭnictva poŭnaha kalca zojmie niamała hadoŭ. Za hety čas haradskaja zabudova i transpartnaja infrastruktura, u jakuju pavinien ŭpisvacca mietrapaliten, mohuć šmat razoŭ źmianicca».

Pavialičyć

Płanujecca, što trasa novaj linii ŭ asnoŭnym pojdzie ŭzdoŭž druhoha transpartnaha kalca, a ŭvodzić jaje ŭ ekspłuatacyju płanujecca paetapna. Na dadzieny momant razhladajucca čatyry ŭčastki, čarhovaść budaŭnictva jakich budzie vyznačacca patrebami horada, a taksama z ulikam raźvićcia novych žyłych rajonaŭ, takich jak «Paŭnočny Bierah» i «Zialony Bor».

Pieršy ŭčastak, jak miarkujecca, praciahniecca ad stancyi «Park Družby Narodaŭ», jakaja zaraz budujecca, u kirunku Viaśnianki, da stancyi «Tučynka» ŭ rajonie Charkaŭskaj vulicy. Na hetym adrezku płanujecca pabudavać šeść stancyj, uklučajučy dźvie pierasadačnyja na «Park Družby Narodaŭ» i «Puškinskuju».

Razhladajecca taksama mahčymaść budaŭnictva novaha elektradepo na vulicy Cimirazieva, na miescy byłoha zavoda aciaplalnaha abstalavańnia, što patrabuje dadatkovaj haliny i kamiery źjezdaŭ.

Kali dla absłuhoŭvańnia pieršaha ŭčastka možna budzie častkova vykarystoŭvać mahutnaści depo «Słuckaje», to dla druhoha ŭčastka, z pavieličeńniem kolkaści ciahnikoŭ, ułasnaje depo stanie nieabchodnym. Raźmiaščeńnie takoha abjekta ŭ miežach horada — zadača nie prostaja, bo heta pavinna być režymnaja terytoryja na značnaj płoščy, jakaja maje złučeńnie z čyhunkaj.

«Dalej kalcavaja, chutčej za ŭsio, pojdzie ŭ supraćlehłym kirunku ad płoščy Banhałor», — adznačaje Hieorhij Pratasaŭ, kažučy pra druhi ŭčastak.

Tut płanujecca piać stancyj, ź pierasiačeńniami z Maskoŭskaj linijaj na «Akademii navuk» i z Aŭtazavodskaj na «Traktarnym zavodzie» ci «Partyzanskaj».

Prajekciroŭščyki razhladajuć niekalki varyjantaŭ trasy. Kali stancyja «Park Družby Narodaŭ» pieršapačatkova prajektavałasia jak pierasadačnaja, to novuju pierasadačnuju stancyju kala «Akademii navuk» pryjdziecca budavać va ŭmovach ščylnaj haradskoj zabudovy.

Treci ŭčastak płanujecca prakłaści ad vulicy Charkaŭskaj da žyłoha kompleksu «Minsk-Śviet», z uźviadzieńniem troch stancyj. Čaćviorty ŭčastak pavinien zamknuć kalco, złučyŭšy pierasadku z «Aeradromnaj» na stancyju Aŭtazavodskaj linii.

Prajektavańnie hetych učastkaŭ znachodzicca na pačatkovaj stadyi, tamu trasa mietro tut jašče moža być skaardynavanaja.

• 2
• 1
• 0
• 1
• 0
• 0
• 0
• 0