Łukašenka znoŭ zajaviŭ, što Biełaruś nie budzie abaraniać Jeŭropu ad mihrantaŭ. Ale hatovy damaŭlacca
Alaksandr Łukašenka nie bačyć pryčyn dla taho, kab Biełaruś u ciapierašniaj situacyi abaraniała Jeŭrasajuz ad mihrantaŭ. Pra heta jon zajaviŭ na III Minskaj mižnarodnaj kanfierencyi pa jeŭrazijskaj biaśpiecy. Ale hatovy damaŭlacca, asabliva ŭ farmacie «vialikaj ździełki — usio na ŭsio».
«Jak možna ŭsurjoz usprymać patrabavańni ES da nas (jak jany vykazvajucca, «vyrašyć prablemu ź mihrantami»), kali tyja ž Brusiel i Polšča z Prybałtykaj demanstratyŭna razarvali ŭsie raniej dasiahnutyja pahadnieńni i admaŭlajucca padtrymlivać prostuju kamunikacyju navat pa biahučych pytańniach? — skazaŭ jon. — Łohika prostaja: kali vy razburyli masty, nie patrabujcie ad nas navodzić pierapravy. My nie budziem vas abaraniać ź piatloj na šyi. Sankcyi — heta piatla na šyi biełaruskaha naroda, i vy ad nas patrabujecie vas abaraniać. Hetaha nie budzie!»
Pavodle jaho słoŭ, na heta ŭ Biełarusi niama hrošaj.
«Va ŭmovach usieabdymnaha sankcyjnaha cisku ŭ nas niama ni lišnich resursaŭ, ni maralnych abaviazacielstvaŭ vyrašać prablemy tych, chto hetyja sankcyi ŭvioŭ. Nas dušać sankcyjami i kažuć: «Abaraniajcie nas!» — narakaŭ jon.
U toj ža čas Łukašenka skazaŭ, što hatovy damaŭlacca ŭ pieraadoleńni nastupstvaŭ mihracyjnaha kryzisu. Asabliva ŭ farmacie «vialikaj ździełki — usio na ŭsio»:
«Što datyčycca nastupstvaŭ, my hatovy pracavać u tym farmacie, jaki doŭhi čas zabiaśpiečvaŭ kantrol za situacyjaj dla abodvuch bakoŭ. Treba damaŭlacca. Naprykład, u ramkach hłabalnaj ździełki — padychod prezidenta Trampa «ŭsio na ŭsio» — my možam abmiarkoŭvać z ZŠA, i ź Jeŭropaj», — skazaŭ jon.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary