Biełaruś i Rasija nie majuć nijakich ahresiŭnych pamknieńniaŭ u dačynieńni da jeŭrapiejskich krain, zajaviŭ Alaksandr Łukašenka na III Minskaj mižnarodnaj kanfierencyi pa jeŭrazijskaj biaśpiecy.
«Nikudy my nie naceleny, nijakaja Jeŭropa, Paryž i Łondan nam nie patrebny. Navat Litva i Polšča, Vilnia i Varšava. Nam nie patrebna eskałacyja», — skazaŭ jon (cytaty pa BiełTA).
«Pakul składajecca ŭražańnie, što Jeŭropie mir nie patrebny. Palityki zabyli, jakija žachi pryniesła Druhaja suśvietnaja vajna. Pavieryli, što naroščvańnie vajennaha patencyjału ich abaronić. Nie i jašče raz nie! Heta šlach u nikudy, čarhovaja prystupka pa leśvicy eskałacyi», — zajaviŭ Łukašenka.
Taksama jon zakranuŭ pytańnie nielehalnych mihrantaŭ.
«Jak možna surjozna ŭsprymać patrabavańni ES da nas (jak jany vyražajucca, «vyrašyć prablemu ź mihrantami»), kali tyja ž Brusiel i Polšča z Prybałtykaj demanstratyŭna razarvali ŭsie raniej dasiahnutyja pahadnieńni i admaŭlajucca padtrymlivać prostuju kamunikacyju navat pa ciapierašnich pytańniach? — skazaŭ jon. — Łohika prostaja: kali vy razburali masty, nie patrabujcie ad nas navodzić pierapravy. My nie budziem vas abaraniać ź pietlaj na šyi. Sankcyi — heta pietla na šyi biełaruskaha naroda, i vy ad nas patrabujecie abaraniać vas. Hetaha nie budzie!»
Łukašenka prakamientavaŭ mahčymaje raźmiaščeńnie «Arešnika» ŭ ŭ Biełarusi, zajaviŭšy, što heta nie što inšaje, jak miera na eskałacyju situacyi ŭ rehijonie i sučasnyja pahrozy.
«Kali łaska, davajcie ad hetaha adydziem, i razmovy pra «Arešnik» spyniacca. My ž nikomu nie pahražajem, tolki zabiaśpiečvajem svaju biaśpieku. Bolš za toje, zaŭsiody adkrytyja da kanstruktyŭnaha dyjałohu i ŭzajemnych krokaŭ pa źmianšeńni napružanaści. Kali našy partniory na Zachadzie da hetaha hatovyja — ni my, ni Rasija ŭ daŭhu nie zastaniomsia!» — zajaviŭ jon.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
Advakat jaki znajšoŭsia ... :)))