У Рыа-дэ-Жанэйра паліцыя праводзіць маштабную аперацыю супраць наркагандляроў, дзясяткі загінулых
Паводле даных бразільскіх уладаў, як мінімум 64 чалавекі загінулі падчас маштабнай аперацыі ў фавэлах Комплекса-ду-Алемаа і Комплекса-да-Пенья на поўначы Рыа-дэ-Жанэйра. Сярод загінулых — чацвёра паліцэйскіх і 60 падазраваных у наркатрафіку і сувязях з мясцовай злачыннай групоўкай «Чырвоная каманда» (Comando Vermelho, CV). Тры мясцовыя жыхары атрымалі ранення падчас перастрэлкі, паведамляе CNN.
У выніку аперацыі, якую ўлады назвалі найбольшай у гісторыі штата, быў затрыманы 81 чалавек, канфіскаваная зброя і транспарт. Сярод затрыманых — адзін з лідараў «Чырвонай каманды» ў рэгіёне Эдгар Алвес дэ Андрадэ па мянушцы «Мядзведзь».
У аперацыі ўдзельнічалі каля 2500 паліцэйскіх. Раніцай 28 кастрычніка, калі яны прыехалі з ордарамі на арышт, члены групоўкі адкрылі агонь, перакрылі вуліцы ў некалькіх раёнах горада і падпалілі бар’еры.
Падчас аперацыі ў раёнах Алемаа і Пенья прыпынілі працу медустановы і школы, а маршруты грамадскага транспарту змянілі, каб паменшыць рызыку для жыхароў. Мясцовыя ўлады патрабуюць ва ўрада і прэзідэнта адправіць на дапамогу паліцыі вайскоўцаў.
Улады Рыа-дэ-Жанейра рэгулярна праводзяць такія аперацыі ў фавэлах у рамках барацьбы з арганізаванай злачыннасцю. Гэтая аперацыя стала самай масавай па колькасці ахвяр у гісторыі горада. Раней такой лічылася аперацыя ў фавэле Жакарэзінью ў маі 2021 года, калі загінулі 28 чалавек, уключаючы паліцэйскіх і падазраваных.
ЗША ўпершыню нанеслі ўдар па суднах наркагандляроў у Ціхім акіяне
Як самыя небяспечныя наркакартэлі свету захопліваюць Еўропу
«Дапусціў росквіт наркакартэляў». ЗША ўвялі санкцыі супраць прэзідэнта Калумбіі Густава Петра
Як сілавікі на чале з Карпянковым крышавалі наркагандляроў і засталіся беспакаранымі
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне62
Каментары