Новае даследаванне паказвае, што глабальны ўзровень мора можа падымацца хутчэй, чым прагназавалася раней, паколькі шэльфавыя ледавікі Антарктыды, верагодна, растопліваюцца знізу з куды большай хуткасцю, чым лічылася дагэтуль, піша ScienceDaily.
Шэльфавыя ледавікі — гэта масіўныя плавучыя працягі ледавікоў, якія стрымліваюць рух велізарных аб’ёмаў ільду ў акіян. Навукоўцы з Нарвегіі выявілі працэс, які можа паскараць іх разбурэнне. Доўгія каналы, прарэзаныя на ніжнім баку гэтых ледавікоў, могуць затрымліваць адносна цёплую акіянскую ваду, што ўзмацняе раставанне ў пэўных зонах.
Гэтыя высновы выклікаюць занепакоенасць далёка за межамі Антарктыды. Становячыся танчэйшымі і слабейшымі, шэльфавыя ледавікі страчваюць здольнасць стрымліваць мацерыковыя ледавікі, якія знаходзяцца за імі. Гэта дазваляе большай колькасці наземнага лёду спаўзаць у акіян, што патэнцыйна паскарае сусветны пад’ём узроўню мора.
Даследчыкі адзначаюць, што падобная нестабільнасць ужо назіралася ў іншых частках Антарктыды. Міжурадавая група экспертаў па змене клімату раней вызначыла аслабленне палярных шэльфавых ледавікоў як адну з галоўных нявызначанасцей у прагнозах узроўню мора і патэнцыйна сур'ёзную кліматычную рызыку.
Даследаванне было сканцэнтравана на шэльфавым ледавіку Фімбулісен ва Усходняй Антарктыдзе. Навукоўцы выявілі, што рэльеф ніжняй паверхні ледавіка моцна ўплывае на тое, як пад ім цыркулюе марская вада.
Там, дзе пад лёдам існуюць глыбокія каналы, акіянскія плыні могуць утвараць невялікія цыркуляцыйныя цыклы. Яны ўтрымліваюць цёплую ваду каля лёду, не даючы ёй хутка сысці. Такая канцэнтрацыя цяпла рэзка павялічвае хуткасць растоплівання ў гэтых месцах.
Ледавік Фімбулісен размешчаны ва Усходняй Антарктыдзе — больш халодным рэгіёне, які звычайна лічыўся менш уразлівым за іншыя часткі кантынента.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне17
Каментары