Avijakampanija «Biełavija» rychtujecca adnavić pramoje avijazłučeńnie pamiž Minskam i Ałmaty — druhim pa vieličyni horadam Kazachstana. Zapusk rehularnych rejsaŭ zapłanavany na 18 śniežnia 2025 hoda, paviedamiŭ hienieralny dyrektar kampanii Ihar Čarhiniec na pres-kanfierencyi, pryśviečanaj adkryćciu novaha kirunku ŭ Šry-Łanku.
Pa słovach Čarhinca, rašeńnie ab viartańni hetaha maršrutu stała mahčymym dziakujučy padtrymcy ŭładaŭ Biełarusi. Mienavita jany dapamahli atrymać usie nieabchodnyja dazvoły i ŭzhadnieńni z kazachstanskaha boku.
Jak śćviardžaje kiraŭnik «Biełavija», hetaha momantu daŭno čakali, bo rejsy ŭ Ałmaty nibyta zaŭsiody karystalisia vialikaj papularnaściu.
Płanujecca, što paloty buduć vykonvacca dvojčy na tydzień — na sučasnych samalotach Boeing 737-800, jakija mohuć pieravozić bolš za 180 pasažyraŭ.
Na siońniašni dzień heta budzie druhi kirunak «Biełavii» ŭ Kazachstanie — razam z rejsami ŭ Astanu. Avijakampanija adznačaje, što aktualny raskład i košt kvitkoŭ buduć apublikavanyja dadatkova, paśla zaviaršeńnia ŭsich techničnych i jurydyčnych pracedur.
Kamientary