Авіякампанія «Белавія» рыхтуецца аднавіць прамое авіязлучэнне паміж Мінскам і Алматы — другім па велічыні горадам Казахстана. Запуск рэгулярных рэйсаў запланаваны на 18 снежня 2025 года, паведаміў генеральны дырэктар кампаніі Ігар Чаргінец на прэс-канферэнцыі, прысвечанай адкрыццю новага кірунку ў Шры-Ланку.
Па словах Чаргінца, рашэнне аб вяртанні гэтага маршруту стала магчымым дзякуючы падтрымцы ўладаў Беларусі. Менавіта яны дапамаглі атрымаць усе неабходныя дазволы і ўзгадненні з казахстанскага боку.
Як сцвярджае кіраўнік «Белавія», гэтага моманту даўно чакалі, бо рэйсы ў Алматы нібыта заўсёды карысталіся вялікай папулярнасцю.
Плануецца, што палёты будуць выконвацца двойчы на тыдзень — на сучасных самалётах Boeing 737-800, якія могуць перавозіць больш за 180 пасажыраў.
На сённяшні дзень гэта будзе другі кірунак «Белавіі» ў Казахстане — разам з рэйсамі ў Астану. Авіякампанія адзначае, што актуальны расклад і кошт квіткоў будуць апублікаваныя дадаткова, пасля завяршэння ўсіх тэхнічных і юрыдычных працэдур.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў6
Каментары