Irakli Harybašvili, jaki dvojčy zajmaŭ pasadu premjer-ministra pry ŭradzie «Hruzinskaj mary» i ličyŭsia adnym z samych viernych i nabližanych asob miljardera i zasnavalnika kirujučaj partyi Bidziny Ivanišvili, abvinavačvajecca ŭ lehalizacyi niezakonnych dachodaŭ u asabliva bujnym pamiery, paviedamlaje Bi-bi-si.
Jak zajaviŭ na bryfinhu hienieralny prakuror Hruzii Hieorhi Hvarakidze, Harybašvili vystaŭlena abvinavačańnie pa artykule 194 Kryminalnaha kodeksa Hruzii ab admyvańni hrošaj, spałučanaje z atrymańniem dachodu ŭ asabliva bujnym pamiery.
Zhodna z prakuraturaj, Harybašvili, jaki zajmaŭ u 2019—2024 hadach pasady ministra abarony i premjer-ministra Hruzii, pa hruzinskim zakanadaŭstvie nie mieŭ prava zajmacca jakoj-niebudź pradprymalnickaj dziejnaściu i atrymlivać luboje ŭznaharodžańnie, akramia zarabotnaj płaty słužbovaj asoby.
Niahledziačy na heta, jon tajna zajmaŭsia biźniesam i atrymlivaŭ dachody niezakonnaha pachodžańnia ŭ asabliva bujnym pamiery, dadajuć ułady.
U prakuratury kažuć, što Harybašvili całkam pryznaŭ vinu. Prakuratura źvierniecca ŭ sud z chadajnictvam ab vybary zakładu 1 miljon łary (368 tys. dalaraŭ) u jakaści miery strymańnia, jaki moža być zabiaśpiečany jak hrašovymi srodkami, tak i nieruchomaściu. Akramia hetaha, u prakuratury majuć namier patrabavać zdaču pašparta i nakładańnie zabarony na vyjezd Harybašvili z krainy ŭ jakaści dadatkovych abaviazkaŭ abvinavačanaha.
Pa słovach hienprakurora Hieorhija Hvarakidze, z metaj lehalizacyi častki niezakonnych dachodaŭ Harybašvili ŭkazvaŭ niepraŭdzivyja źviestki ŭ dekłaracyjach, byccam atrymlivaŭ štohadova hrašovyja sumy ŭ padarunak ad člena siamji. Akramia taho, dla lehalizacyi majomaści jon nabyŭ i zarehistravaŭ na źviazanuju ź im asobu dva aŭtamabili, a taksama praz člena siamji nabyŭ 100% akcyj kampanii, jakaja vałodała nieruchomaściu. Paralelna na zarehistravanaje na imia člena jaho siamji TAA byli ažyćcioŭleny inviestycyi.Harybašvili ličyŭsia adnym z samych blizkich i viernych kadraŭ zasnavalnika kirujučaj partyi, miljardera Bidziny Ivanišvili.
Da prychodu ŭ palityku jon pracavaŭ u kampanijach, źviazanych ź Ivanišvili. Paśla źmieny ŭłady i pieramohi «Hruzinskaj mary» na vybarach u 2012 hodzie zajmaŭ kala hoda pasadu ministra ŭnutranych spraŭ va ŭradzie. Potym źmianiŭ na pasadzie premjera samoha Ivanišvili, jaki zajaviŭ, što sychodzić z palityki.
U śniežni 2015 hoda Harybašvili niečakana syšoŭ u adstaŭku, viarnuŭšysia na palityčnuju arenu tolki praz čatyry hady spačatku ŭ ranhu palityčnaha sakratara ŭ kirujučaj partyi, a potym zaniaŭ pasadu ministra abarony.
U 2021 hodzie jon druhi raz staŭ premjer-ministram, źmianiŭšy Hieorhi Hacharyja. Na pasadzie kiraŭnika ŭrada jon zastavaŭsia da lutaha 2024 hoda. Tady, paśla viartańnia ŭ palityku Ivanišvili, jaki staŭ hanarovym staršynioj kirujučaj partyi, jon pamianiaŭsia miescami ź Irakli Kabachidze i pierajšoŭ z kresła premjera na pasadu staršyni partyi.
Rašeńnie pakinuć pasadu kiraŭnika ŭrada za dzieviać miesiacaŭ da parłamienckich vybaraŭ u Hruzii sam Harybašvili tłumačyŭ «ŭnutranaj demakratyjaj» ŭ partyi, jakaja adkryvaje mahčymaści inšym paśpiachovym lidaram «Hruzinskaj mary», ale krytyki ŭładaŭ upeŭnienyja, što rašeńnie ab pierastanoŭkach było pryniata asabista Ivanišvili.
U krasaviku hetaha hoda jon zajaviŭ, što sychodzić z palityki, i jaho palityčnaja karjera zavieršana.
Pry hetym, jak i raniej, jon chvaliŭ Ivanišvili i ŭpeŭnivaŭ, što zastajecca viernym prychilnikam «Hruzinskaj mary».
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary
Anijakich dokazaŭ finansavańnia apazicyi suśvietnaj zakulisaj i Sorasam nie znajšli, tamu pačali čystki svaich