Pad Baranavičami miascovy žychar pravodzić biaspłatnyja ekskursii pa byłoj panskaj siadzibie
U vioscy Jastrambiel Baranavickaha rajona, siarod staroha parku i cianistych alejaŭ chavajecca redki dla Biełarusi architekturny pomnik — panski pałac rodu Katłubajaŭ. U hetaha pałaca jość svoj achoŭnik i papularyzatar ź liku miascovych žycharoŭ, piša «Smartpres».
Pabudavany ŭ 1897 hodzie ŭ styli eklektyki i nieahotyki, pałac kaliści ŭražvaŭ svajoj vieličču: cahlanaja muravanka, arkavyja vokny, vieža z šatrom i fluhier — jon byccam syšoŭ sa staronak jeŭrapiejskaha ramana XIX stahodździa.
Siońnia pałac paciarpieŭ ad času, ale nie straciŭ svajho mahnietyzmu. Dom, jaki pieražyŭ revalucyi, nacyjanalizacyju i dziesiacihodździ savieckaha pobytu, praciahvaje pryciahvać turystaŭ.
U rozny čas tut raźmiaščalisia dziciačy internat i administracyjnyja słužby. Z 2010 hoda siadziba aficyjna pryznanaja historyka-kulturnaj kaštoŭnaściu respublikanskaha značeńnia, adnak da restaŭracyi sprava pakul nie dajšła.
Ale ŭ pałaca jość svoj achoŭnik. Vasil Łaŭrynovič žyvie ŭ Jastrambieli ŭžo amal 40 hadoŭ. Jon nazyvaje siabie «apošnim žycharom panskaha doma» i z entuzijazmam pravodzić biaspłatnyja ekskursii dla ŭsich, chto cikavicca historyjaj hetaha miesca. U jaho raskazach — losy šlachieckaha rodu, kavałki ŭspaminaŭ staražyłaŭ, lehiendy, što pieradajucca z vusnaŭ u vusny.
Pakul budynak čakaje inviestara i prajekta restaŭracyi, siudy praciahvajuć pryjazdžać padarožniki, fatohrafy, historyki i prosta zacikaŭlenyja ludzi. A Łaŭrynovič — niaźmienny hid i raskazčyk — sustrakaje ich kala hanka, dzie kaliści hučali valsy i karety stukali pa mastavoj.
Na spatkańnie ŭ muziei Pietrusia Broŭki takaja čarha, što zapisacca možna tolki na sakavik 2027 hoda
Vialikaja vystava Sieŭruka prachodzić u Minsku
Ekskursavoda z Ružanskaha zamka adpravili za kraty — padobna, za Hajun
Adabranuju ŭ miecenata siadzibu ŭ Padarosku vystavili na aŭkcyjon za 710 tysiač dalaraŭ
Kamientary