Aryna Sabalenka trapiła pad sankcyi i straciła častku rejtynhavych bałaŭ
Jak paviedamlaje vydańnie Mirror, pryčyna sankcyj, nakładzienych na biełaruskuju tenisistku Arynu Sabielenku mižnarodnaj fiederacyjaj WTA — parušeńnie pravił, jakija abaviazvajuć spartsmienak udzielničać jak minimum u šaści turnirach katehoryi WTA 500 za siezon. Kab heta patrabavańnie nie vykonvać, pavinna być pavažnaja pryčyna, naprykład, traŭma.
Pakolki Sabalenka sioleta patrabavańnie nie vykanała, to jana straciła 10 bałaŭ na minułym tydni i jašče 120 paśla turniru ŭ Dubai. Taksama ŭ jaje zabrali 400 bałaŭ, zaroblenych na vynikovym turniry WTA 2024 hoda.
Anałahičnyja straty paniesła i asnoŭnaja kankurentka Sabalenki, polskaja tenisistka Iha Śviontek, jakaja straciła bolš za 170 bałaŭ na inšych spabornictvach, a taksama 400 bałaŭ z vynikovaha turniru.
Pad sankcyi trapili i inšyja viadomyja tenisistki — amierykanki Kory Haŭf, Amanda Anisimava i Medzisan Kiz.
Niahledziačy na heta, Aryna Sabalenka zastajecca ŭpeŭnienaj lidarkaj u suśvietnym rejtynhu WTA. Raniej paviedamlałasia, što jana ŭvachodzić u top-30 samych zapatrabavanych spartsmienaŭ 2025 hoda i zajmaje piataje miesca ŭ śpisie samych vysokaapłatnych tenisistaŭ śvietu.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary
Rejtynhavyja punkty śpisvajucca štohod. Heta praviła nie maje dačynieńnia da sankcyj. Heta nie sankcyi. Nie błytajcie narod.