Śpiecnazaviec z Ašmian vyrašyŭ zrubić babła i zavierbavaŭsia na vajnu. Ciapier u pałonie nazyvaje siabie da***bam
U Biełarusi Paŭła Pieciuleviča zvolnili z pracy za kradziež, a ŭ Rasii kinuli na hrošy. Jon vyrašyŭ padzarabić i pajechaŭ na vajnu. U vyniku Pieciuleviča na pieršym ža bajavym zadańni kinuli na šturm, dzie jamu pašancavała vyžyć — ale trapić u pałon da ŭkraincaŭ.
26‑hadovy Pavieł Pieciulevič z Ašmian. Paśla škoły skončyŭ kaledž.
Z vosieni 2017‑ha pa viasnu 2019‑ha chłopiec słužyŭ terminovuju słužbu ŭ Marjinaj Horcy, u 5‑j asobnaj bryhadzie asablivaha pryznačeńnia. Paśla hetaha pracavaŭ u rodnych Ašmianach. Apošniaje viadomaje miesca jahonaj pracy — Ašmianski miasakambinat.
Pieciulevič zajmaŭsia ciažkaj atletykaj, byŭ siarod najlepšych hiravikoŭ miasakambinata.
U videa, vykładzienym na ŭkrainskich kanałach, Pieciulevič kaža, što jaho zvolnili z pracy ŭ Biełarusi za kradziež. Paśla hetaha jon pajechaŭ u Maskvu na zarobki. 1 lipienia 2025 hoda jon vyjšaŭ na pracu, ale sa žniŭnia jamu pierastali płacić. Tady biełarus znajšoŭ u internecie abjavu pra nabor ludziej na kantrakt u armiju Rasii na vajnu.
Pieciulevič kaža, što jamu abiacali, što jon budzie pracavać pa śpiecyjalnaści — kiroŭcam — i atrymaje vypłatu kala $30 tysiač za padpisańnie kantrakta.
Chłopcu dali pazyŭny Piatro.
Naturalna, Pieciuleviča padmanuli i adrazu ž adpravili šturmavikom na haračy ŭčastak frontu.
Pavodle słoŭ Paŭła, na šturm jaho pasłali padčas pieršaha ž bajavoha zadańnia. Adzin z sałdat ź jahonaj hrupy nastupiŭ na minu i vyciek (pamior ad straty kryvi). Pieciulevič z astatnimi dajšoŭ da niejkaj vioski, dzie chavaŭsia ŭ čužoj chacie.
Chłopiec śćviardžaje, što za čatyry dni na piarednim krai jon nie atrymaŭ nijakaj padtrymki, chacia nieadnarazova jaje zapytvaŭ. Jahonaja zadača była sustrakać ludziej ź jahonaha pałka i pasyłać ich dalej. Usie da adnaho jany pamirali, kaža jon.
U vyniku Pieciuleviča i jašče dvuch ludziej ź jahonaj častki ŭziali ŭ pałon. Nieviadoma, kali dakładna heta adbyłosia, ale Ukantakcie jon byŭ anłajn apošni raz 11 kastryčnika.
Pavieł škaduje, što pajšoŭ vajavać: «Da****b, inačaj nie padpisaŭ by kantrakt». Da taho ž, anijakich vypłataŭ jon nie atrymaŭ. Pavieł Pieciulevič prosić Łukašenku jak maha chutčej pamianiać jaho nazad u Biełaruś i kaža, što hatovy na ŭsio, «aby być pobač ź siamjoj».
«Naša Niva» — bastyjon biełaruščyny
PADTRYMAĆCiapier čytajuć
Łukašenka: Što tvorycca ŭ krainie, u nas usie hetuju huś kruciać28
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary