Pres-sakratarka Śviatłany Cichanoŭskaj Hanna Krasulina raskazała pra ŭčorašni vizit biełaruskaj liderki ŭ prezidencki pałac u Francyi.
«Zaprašeńnie da prezidenta Francyi Emanuela Makrona ŭ Jelisiejski pałac maje ekskluziŭny status, i takim čynam prezident ušanoŭvaje najbolš važnych haściej. Jak praviła, śpis zaprošanych nie ahučvajecca, i toje, što abmiarkoŭvajecca na samoj viačery — zastajecca kanfidencyjnym», — raskazała Hanna Krasulina.
Pa jaje słovach, mierapryjemstva adbyvajecca zhodna z cyrymanijałam. Haściej — a zbolšaha heta lidary dziaržaŭ i mižnarodnych arhanizacyj — sustrakaje hanarovaja varta.
«Udzieł Śviatłany Cichanoŭskaj, jak biełaruskaj pradstaŭnicy — maje i simvaličnaje i palityčnaje značeńnie, heta taksama i znak salidarnaści ź biełaruskim narodam, i padtrymki biełaruskamu hramadstvu. Heta mahčymaść naŭprost pierahavaryć ź viadučymi palitykami śvietu pra situacyju ŭ Biełarusi i kroki pa jaje vyrašeńni», — zaznačyła pres-sakratarka.
Jana padkreśliła, što viačera adbyvajecca biez presy i biez pabočnych haściej. Śviatłanu Cichanoŭskuju pasadzili pobač ź ministram zamiežnych spravaŭ Francyi Žanam-Noelem Baro i daradcam prezidenta Makrona.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary
Jašče ja b joj paraiŭ. Trochi zaściervianieť. Pasyłać nach.. niekatorych mužčyn u svaim asiarodździ (jakija zaŭsiody ličyli siabie razumniej, čym jana, i tolki tamu, što jany mužčyny) ź ich "paradami" i rekamiendacyjami (heta ž adnosicca i da znoŭ nabytaha muža. Na kuchni chaj jon ciapier kamanduje i demanstruje svajo chamstva). Intelektualna jana ŭžo daŭno vyšej za ich usich.
I jašče. Schudnieć joj troški treba, kab hladziecca nie pa-babsku. Usie jeŭrapiejskija palityki-žančyny chudyja i strojnyja. I usio budzie u jaje dobra.