Dypłamaty ŭšanavali pamiać achviar stalinskich represij u Kurapatach
Pavieranaja ŭ spravach Hiermanii ŭ Biełarusi Katryn aus dem Zipen razam z pradstaŭnikami inšych pasolstvaŭ 30 kastryčnika naviedali Kurapaty i ŭšanavali pamiać achviar stalinskich represij, paviedamiła Pasolstva Hiermanii ŭ Biełarusi.
«U noč z 29 na 30 kastryčnika 1937 hoda ŭ Minsku supracoŭnikami savieckaha Narodnaha kamisaryjata ŭnutranych spraŭ (NKUS) byli rasstralany šmatlikija pradstaŭniki intelihiencyi, siarod jakich było šmat paetaŭ i piśmieńnikaŭ. Ich cieły byli zakapany va ŭročyščy Kurapaty na ŭskrainie Minska. «Noč rasstralanych paetaŭ» stała trahičnaj kulminacyjaj sieryi złačynstvaŭ, ździejśnienych suprać nacyjanalna aryjentavanaj intelihiencyi Biełarusi. Miarkujecca, što ŭ pieryjad z 1937 pa 1941 hod u adnych tolki Kurapatach byli zabity i pachavany da 250 000 čałaviek.
Štohod mnohija biełarusy ŭšanoŭvajuć pamiać biełaruskich kulturnych dziejačaŭ, zabitych u noč z 29 na 30 kastryčnika 1937 hoda.
Pamiać ab ich zachoŭvajecca i šanujecca i ŭ Hiermanii. U pryvatnaści, učora ŭ Litaraturnym kalokviumie Bierlina adbyłosia mierapryjemstva «Noč nierasstralanych vieršaŭ», jakoje było pryśviečana kulturnaj i litaraturnaj historyi Biełarusi», — havoracca ŭ paviedamleńni.
Zachodnija dypłamaty štohod u hetyja dni naviedvajuć Kurapaty. Časta na ich nackoŭvajuć prapahandystaŭ.
Kamientary