Kiraŭnik Vieniesueły Nikałas Madura napisaŭ list z prośbaj da Rasii ab pastaŭkach rakiet, radaraŭ i madernizavanych samalotaŭ na fonie naroščvańnia amierykanskich sił u Karybskim rehijonie. Pra heta piša The Washington Post sa spasyłkaj na ŭnutranyja dakumienty amierykanskaha ŭrada.
Zhodna z dakumientami, što apublikavała The Washington Post, Vieniesueła źviartałasia pa vajskovuju dapamohu nie tolki da Rasii, ale i da Kitaja dy Irana.
Paviedamlajecca, što ŭ siaredzinie kastryčnika ministr transpartu Vieniesueły Ramon Sieleścina Viełaskies naviedaŭ Maskvu, dzie sustreŭsia sa svaim rasijskim kaleham i pieradaŭ jamu list ad prezidenta Nikałasa Madura da kiraŭnika Rasii. U hetym liście Madura nibyta prasiŭ dapamohi va ŭmacavańni sistemy supraćpavietranaj abarony, u tym liku ŭ ramoncie niekalkich źniščalnikaŭ Su-20MK2, nabytych raniej u Rasii.
Akramia taho, jon prasiŭ dapamahčy z ramontam vaśmi ruchavikoŭ i piaci radaraŭ, a taksama pradać Vieniesuele rasijskija bajavyja rakiety i akazać «łahistyčnuju padtrymku». Madura padkreśliŭ, što samaloty «Su» źjaŭlajucca «najvažniejšaj strymlivajučaj siłaj u vypadku vajny».
Pavodle dakumientaŭ, vieniesuelski lidar taksama prasiŭ trochhadovaje finansavańnie praz «Rastech», adnak suma nie ŭdakładniajecca. Nieviadoma i toje, ci atrymaŭ Madura adkaz na svaju prośbu.
Tramp rychtuje ŭdary pa aeradromach i partach Vieniesueły
ZŠA adpravili da Vieniesueły najbujniejšy avijanosiec, Madura abvinavaciŭ Vašynhton u eskałacyi
Tramp dazvoliŭ CRU pravodzić tajnyja apieracyi ŭ Vieniesuele
Dziarždep i raźviedka ZŠA prapanujuć Trampu siłaj pamianiać uładu ŭ Vieniesuele
Nobieleŭskuju premiju miru atrymała lidarka vieniesuelskaj apazicyi Maryja Karyna Mačada
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary
No war! No war! No crazy war! Peace forever!