«Baranavičy» ŭpieršyniu ŭ historyi vyjšli ŭ vyšejšuju lihu čempijanatu Biełarusi pa futbole. Kłub zavajavaŭ pucioŭku daterminova.
Kłub lidziruje ŭ čempijanacie pieršaj lihi, da kanca siezona čatyry tury. Dahnać jaho mahła «Biełšyna», ale siońnia babrujski kłub zhulaŭ uničyju z «BATE-2» (0:0) i tamu nie zdoleje nahnać baranavickuju kamandu.
Baranavičy — 68 bałaŭ (30 hulniaŭ), Dniapro Mahiloŭ — 63 (30), Biełšyna — 57 (31).
Dahetul u «Baranavičaŭ» najlepšym vynikam było piataje miesca ŭ pieršaj lizie.
Pakidaje vyšejšuju lihu «Maładziečna», jakoje hod tamu vyjhrała čempijanat pieršaj lihi, a ŭ hetym siezonie ŭ 27 hulniach zdoleła tolki try razy pieramahčy i dva razy zhulać uničyju i finišuje na apošnim miescy.
A voś MŁ Viciebsk, što letaś padniaŭsia ź pieršaj lihi, zaniaŭšy druhoje miesca, moža vyjhrać sioleta čempijanat krainy.
Kamientary