U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
U piatnicu ŭ «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha i biełaruskich dobraachvotnikaŭ, jakija zahinuli, baroniačy Ukrainu ad rasijskaj ahresii, piša «Svaboda».
U mierapryjemstvie ŭziali ŭdzieł deputaty rady, pradstaŭniki biełaruskaj supolnaści i hramadskija dziejačy.
Zahinułych ušanavali chvilinaj maŭčańnia. Śviatar adsłužyŭ panichidu. Adbyŭsia pakaz filma pra Michaiła Žyźnieŭskaha. Vystupili deputaty Lvoŭskaj abłasnoj rady.
U «Domie volnaj Biełarusi» ciapier zachoŭvajecca i pomnik Michaiłu Žyźnieŭskamu, jaki pieršapačatkova stajaŭ na miescy jahonaj hibieli ŭ Kijevie. Taksama tut možna pabačyć rečy, uznaharody, listy inšych zahinułych hierojaŭ.
Deputatka Kaciaryna Keńo padzialiłasia ŭspaminami pra pachavańnie Michaiła: «My razumieli, što idzie baraćba za praŭdu, za volu, za śviatło. Na pachavańnie Michaiła Žyźnieŭskaha pryjšli tysiačy ludziej. Tady my ŭśviadomili, što svabodu nie spynić».
Pradstaŭnik Upaŭnavažanaha Viarchoŭnaj Rady Ukrainy pa pravach čałavieka ŭ Lvoŭskaj vobłaści Taras Padvirny raskazaŭ, što robicca dla lehalizacyi biełaruskich dobraachvotnikaŭ: «Razam ź imi pracujem nad tym, kab likvidavać jurydyčnyja pieraškody dla ich znachodžańnia va Ukrainie. U minułym hodzie my pieradali ŭ MUS 25 spraŭ, i zaraz hetyja pytańni abmiarkoŭvajucca na najvyšejšym uzroŭni».
Biełaruskija aktyvisty Lvova prapanoŭvali ŭstalavać pomnik Žyźnieŭskamu ŭ adnym ź lvoŭskich skvieraŭ. Ale ŭ niadaŭnim intervju «Svabodzie» mer horadu Andrej Sadavy skazaŭ, što pomnik pakul stavić nie buduć:
«Ideja cikavaja, ale padčas vajny my prypynili ŭstanaŭleńnie pomnikaŭ. My ŭšanoŭvajem tych, chto addaŭ svajo žyćcio siońnia ŭ hetaj vajnie, padtrymlivajem siemji, prymajem šmat paranienych, vielmi šmat pierasialencaŭ, heta naš siońniašni pryjarytet. A kali budzie pieramoha, tady budziem razmaŭlać. Usiamu svoj čas».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary
Žyŭ dobra, dobra zahinuŭ, pryludna. Pašancavała. Pytańnie, jak heta budzie z nami i kali i jak buduć chavać. Ci pašancuje tak.
A pomnik treba viarnuć na miesca hibieli, liču, tak budzie słušna. Žyźnieŭski- Hieroj Ukrainy i adzin ź pieršych i miesca maje značeńnie.